जनकपुरधाम, कात्तिक २६ गते । प्रदेश २ का प्रहरी प्रमुख डिआईजी धिरजप्रताप सिंह कोरोना भाइरस संक्रमित भएको छ ।
केहि दिनअघि स्वाब दिएका डीआईजी सिंहको पीसीआर परीक्षणको क्रममा कोरोना संक्रमण पोजेटिभ देखिएको हो । कोरोना पुष्टि लगत्तै स्वास्थ्यमा समस्या देखिएपछि उनलाई मंगलबार थप उपचारका लागि जनकपुरबाट काठमाडौँ लगिएको छ ।
सिंहको पारिवारिक स्रोतका अनुसार डीआईजी सिंहको उपचार काठमाडौ प्रहरी अस्पतालमा भइरहेको छ अहिले स्वास्थ्य अवस्था सुधार हुँदै गएको छ ।
प्रहरी अस्पतालमा अन्य कोरोना अस्पतालको तुलनामा कोरोनाको उपचार तथा व्यवस्थापन राम्रो नरहेको गुनासो डिआईजीका परिवारजनको रहेको छ । अस्पतालको व्यवस्थापन पक्षले पनि कोरोनाको उपचारका लागि व्यवस्थापनमा सुधार ल्याउनुपर्ने संचारकर्मीसँग कुरा गर्दै बताएका छन ।
यो विषयमा आफ्नो प्रतिक्रिया दिनुहोस् !