जनकपुरधाम, कात्तिक २१ गते । प्रतिबन्धित लागू औषध सहित महोत्तरी प्रहरीले एक १४ वर्षिय बालक पक्राउ गरेको छ ।
शुक्रवार जिल्लाको सम्सी गाउँपालिका ६ सम्सी बजारबाट महोत्तरी भारतबाट नेपाल तर्फ आउँदै गरेका बालकलाई लागू औषध सहित नियन्त्रणमा लिइएको जिल्ला प्रहरी कार्यालय महोत्तरीका प्रवक्ता प्रहरी नायव उपरीक्षक प्रकाश विष्टले जानकारी दिएका छन ।
उनका अनुसार पक्राउ पर्नेमा महोत्तरीकै गौशाला नगरपालिका १ का १४ वर्षीय बजरंगी मण्डल रहेको छ ।
सम्सी प्रहरी चौकीबाट गस्तीमा खटिएका प्रहरी टोलीले ती बालकबाट साथबाट चेकजाँचको क्रममा नाईट्रोभेट ट्याब्लेट–१० लेखिएको २ पत्तामा ३० पिस, स्पास्मो प्रोक्सोभोन प्लस २ पत्तामा १६ पिस र कोरेक्स १०० एम.एल को ४ बोतल बरामद गरिएको प्रहरीले जनाएको छ ।
जिल्ला अदालत महोत्तरीबाट लागुऔषध मुद्दामा दिन १० म्यादको म्याद कारजाही प्रक्रिया अघि बढाइ सकिएको प्रहरी नायब उपरिक्षक विष्टले जानकारी दिएका छन ।
यो विषयमा आफ्नो प्रतिक्रिया दिनुहोस् !