जनकपुरधाम, कात्तिक १८ गते । प्रदेश २ का मुख्यमन्त्री लालबाबु राउत कोरोना संक्रमणको आशंका देखेपछि होम आइसोलेशनमा बसेका छन ।
ज्वारो र रुघा खोंकी लागेपछि मुख्यमन्त्री राउत मन्त्रालयस्थित निवासमा एक साताभन्दा बढी समयदेखि दिनदेखि होम आइसोलेशनमा बसेका हुन । अत्यावश्यक निजी काम बाहेक कार्यालय सम्बन्धी काम र भेटघाट गर्न समेत छाडेका छन ।
लोकपुकारसँग कुरा गर्दै मुख्यमन्त्री राउतले भने कोरोना पुष्टि भएको छैन । तर भाइरल फिवर र सर्दी जुकाम जस्ता लक्षण देखिएपछि आफू असहज महसूस गरेर होम आइसोलेशनमा बसेको हुँ ।
पछिल्लो पटक काठमाडौमा कात्तिक ३ र ४ गते सम्पन्न बैठकमा सहभागी भई जनकपुर आउँदा आफूलाई असहज महसूस भएपछि अरुलाई जोखिममा नपारौं सोचर होम आइसोलेशनमा बसेका तर अवस्था समान्य रहेको जानकारी दिए ।
कोरोना संक्रमण पुष्टि भएको छ÷छैन भन्ने प्रसंगमा उनले मौसम परिवर्तन भएको कारण भाइरल फिवर पनि हुन सक्छ सोचेर कोरोना चेकजाँच गराएको छैन ।
मुख्यमन्त्री राउत होम आइसोलेशनमा बसेपछि मुख्यमन्त्री तथा मन्त्रिपरिषद कार्यालयका केही कामकाज प्रभावित भएको कुरा मुख्य सचिव अर्जुन पोखरेलले बताएका छन ।
यो विषयमा आफ्नो प्रतिक्रिया दिनुहोस् !