जनकपुरधाम, कात्तिक १४ गते । विजया दशमीको अवसरमा महोत्तरीको मटिहानी नगरपालिका ७ मा आयोजित दुर्गा पूजामा भएको दोहरो झडपमा आधा दर्जनभन्दा बढी व्यक्ति भएको छ ।
गत कात्तिक १० गतेका दिन नगरपालिका प्रमुख भनिएका पूजा समितिका सदस्य र गत निर्वाचनमा नेकपाबाट प्रतिनिधि सभाका प्रत्याशी रहेका विजय चौधरी पक्षबीच झडप भएको हो ।
सो घटनामा वडा नं. ८ का विजय चौधरी स्वयं, जितेन्द्र चौधरी, गणेश प्रसाद र वडा नम्बर ७ का दिलिप महरा र विरेन्द्र मण्डल लगायत पुजा समितिका सदस्यहरु घाइते भएको भनिएको छ ।
घाइते मध्ये उपचार पश्चात विजय चौधरी, दिलिप महरा र विरेन्द्र लगायत समितिका सदस्यहरु निको भइकसकेका छन भने जितेन्द्र चौधरी र गणेशप्रसाद साहलाई थप उपचारका लागि काठमाडौ स्थित ट्रमा सेन्टरमा पठाइएको जनाइएको छ ।
नगरप्रमुख हरिप्रसाद मण्डलले आफूहरुमाथि संघातिक आक्रमण गरेको आरोप लगाएका छन । उनले नगरप्रमुख मण्डल र एक अर्का समूहबीच झडप भएको थियो, स्थानीयको नाताले सो घटना बुझेर घर फर्किरहेको क्रममा आफूहरुमाथि आक्रमण गरेको चौधरीले आरोप लगाएका छन ।
साथै उनले घटना स्थलमा पुगेका प्रहरीमाथि समेत हातपात भएपछि लाठी चार्ज भएको सो क्रममा केही व्यक्ति समेत घाइते भएको बताए ।
यता नगरप्रमुख मण्डलले आरोपलाई खण्डन गर्दै चौधरी समूहका केही गुण्डा प्रवृतिका व्यक्तिले आफूमाथि आक्रमण गर्न खोजेको दाबी गर्दै राजनीतिक पुर्वाग्रहले आफूलाई बदनाम र चरित्र हत्या गर्न खोजिएको बताएका छन ।
घटना बारे शुक्रवार एक प्रेस विज्ञप्ति जारी गरी नगरप्रमुख मण्डलले जयकुमार चौधरी र विजय चौधरी लगायतका केही विचलित मानसिकताका तथा गुण्डा प्रवृतिका व्यक्तिहरु आफ्नो घरमा आक्रमण गरी हत्या, हिंसा र लुटपाट गर्न खोजेको घटनाप्रति ध्यानाकर्षण भएको जनाएको छ ।
प्रत्येक वर्ष झै यसवर्ष पनि धूमधामका साथ दुर्गा पूजा मनाइरहेको बेला समाजिक सद्भाव खल्बलाउने उद्देश्यका साथ केही गुण्डा प्रवृतिका व्यक्तिहरुले प्रत्येक वर्ष झै यसवर्ष पनि दुर्गा मन्दिरभित्र तोडफोड गर्नुका साथै विरेन्द्र मण्डल र दिलिप महरा लगायत दुर्गा पुजा समितिका सदस्यरुलाई गाली गलौज गर्नुका साथै घरेलु हातहतियारले मरनासन्न गरी कुटपिट गरेको विज्ञप्तिमा भनिएको छ ।
सो घटनाप्रति घोर भत्र्सना गर्दै नगर प्रमुख मण्डलले बारम्बार दोहरिने यस्ता घटनाले निर्वाचित जनप्रतिनिधिको सुरक्षा व्यवस्थामाथि गम्भीर प्रश्न उठेको भनी सम्बन्धित निकायलाई ध्यानाकर्षण गराएका छन ।
घटना सम्बन्धी सत्य तथ्य नबुझी केही राजनैतिक दलका प्रतिनिधिले आफ्नो चरित्र हत्या गर्ने मनसायका साथ प्रेस विज्ञप्ति जारी गरेको भन्दै आपति उनले आपति जनाएका छन ।
साथै समस्या समाधान मारपिट, धाक धम्की, हिंसाबाट नभई सम्वादबाट हुने कुरामा आफू दृढ रहेको भन्दै प्रमुख मण्डलले यस्ता अपराधिक क्रियाकलापमा संलग्न जयकुमार चौधरी, विजय चौधरी र राजकिशोर मण्डल लगायत सम्पूर्ण व्यक्तिलाई अविलम्ब पक्राउ गरी कारवाही गर्न मांग सम्बन्धित निकायसँग विज्ञप्ति मार्फत गरेका छन ।
घटना सम्बन्धमा जिल्ला प्रहरी कार्यालय महोत्तरीका प्रहरी उपरीक्षक टीकाबहादुर केसीले दुई पक्षबीच झडप भएको स्वीकार गर्दै अनुसन्धान भइरहेको बताएका छन ।
प्रत्यक्षदर्शी स्थानीयका अनुसार सो ठाउँमा केही वर्षदेखि दुर्गा पुजामा विवाद हुँदै आएको छ । सो दिनपनि समितिका सदस्य र चौधरी समूहका व्यक्तिहरु होटलमा हरहिसाबका लागि बसेका थिए ।
चौधरी समूहले समिति सदस्यसँग केही रकम आफूहरुलाई चाहियो बलजफ्ती मांग गर्दा दुवै पक्षबीच विवाद भयो । विवाद बढदै जाँदा चौधरी समूहका केही व्यक्ति समितिका मान्छे मेयर पक्षको भन्दै मेयरको घरतर्फ लागेर आक्रमण गर्न खोज्दा दुवै पक्षबीच झडपमा भयो ।
झडपमा परी दुवै पक्षका व्यक्तिहरु घाइते भयो । झडपकै क्रममा प्रहरी समेत आएर सम्झाउन खोज्दा नमानेपछि लाठी चार्ज समेत गर्नु परेको स्थानीयको भनाई छ ।
यो विषयमा आफ्नो प्रतिक्रिया दिनुहोस् !