जनकपुरधाम, कात्तिक २ गते । जनकपुरधाम ९ ब्रम्हपुरीस्थित सुहृद पुस्तकालयको स्थापना दिवस र शहिद सरोज कोइरालाको स्मृति दिवस दुई दिने कार्यक्रम गरी मनाइदैछ ।
वि.सं. २०११ सालमा स्थापित सुहृद पुस्तकालय र शहीद सरोज कोइरालाको स्मृति दिवसको अवसर आयोजित दुई दिने कार्यक्रम अन्तर्गत आइतवार पहिलो दिन वृक्षारोपन गरिएको छ ।
दोश्रो दिन कात्तिक ३ गते सोमवार जानकी वृद्धा आश्रममा विभिन्न कार्यत्रम गरिने कुरा पुस्तकालयका अध्यक्ष समीर दाहालले जानकारी दिएका छन ।
दाहालको अध्यक्षतामा सम्पन्न पहिलो दिनको कार्यक्रम अन्तर्गत प्रमुख अतिथि तात्कालिन जनकपुर नगरपालिकाका मेयर बजरंगप्रसाद साह, वडाध्यक्ष परमेश्वर साह, पुस्तकालयसँग आबद्ध प्रेमचन्द्र झा, धिरेन्द्र मोहन झा हरि शंकर साह, सुरेश कोईराला लगायतका दर्जनौ व्यक्तिले पुस्तकालयको प्रागणमा विभिन्न प्रजातिका रुखको विरुवा रोपेका थिए ।
देशमा प्रजातन्त्रक स्थापनाका लागि आन्दोलनरत कोइरलाको वि.सं. २०३० साल कात्तिक २ गतेका दिन निर्वासित रहेको बेला तात्कालिन राजाद्वारा भारतको बिहार राज्य मधुबनी जिल्ला स्थित रेलवे स्टेशनमा हत्या गराइएको थियो ।
यो विषयमा आफ्नो प्रतिक्रिया दिनुहोस् !