जनकपुरधाम, कात्तिक २ गते । लक्ष्मीनियाँ गाउँपालिका १ की शनिवारदेखि हराई रहेकी दुई बालिका पोखरीमा मृत अवस्था फेला परेकी छिन ।
प्रहरीका अनुसार स्थानीय रामकुमार यादव ६ वर्षिय छोरी खुशी यादव र उपेन्द्र यादव ९ वर्षिय राधिका यादव शनिवार दिउंसोदेखि हराएकी थिइन खोज्ने क्रममा तिनीहरु घर नजिकै रहेको पोखरीमा मृत फेला परेकी हुन ।
ती मध्ये खुशी शनिवार मध्यराति एक बजेतिर र राधिका आइतवार बिहान पोखरीमा मृत अवस्थामा फेला परेको जिल्ला प्रहरी कार्यालय धनुषाले जनाएको छ ।
घरबाट खेल्नका लागि निस्केका ती बालिका घर नजिकै रहेका आँप रुखमा डोरीले बाँधिएको झुलामा झुला झुलिरहेको क्रममा हराएकी थिइन । खोज्ने क्रममा झुला बांधिएको रुख नजिकै रहेको पोखरीमा दुवै बालिका मृत फेला परेकी हुन ।
मृतक दुवै बालिकाको शव पोष्टमार्टमका लागि जनकपुरस्थित प्रादेशिक अस्पतालमा पठाइ सकिएको प्रहरीले जनाएको छ ।
यो विषयमा आफ्नो प्रतिक्रिया दिनुहोस् !