जनकपुरधाम, असोज २९ गते । प्रदेश २ कांग्रेसका सांसदहरले प्रादेशिक स्वास्थ्य विज्ञान प्रतिष्ठान सम्बन्धमा बनेको विधेयकमा आफ्ना मांग पनि समेटिनुपर्ने भन्दै नट अफ डिसेन्ट जनाएको छ ।
बिहीवार महिला बालबालिका तथा सामाजिक न्याय समितिमा छलफलका लागि लगिएको प्रादेशिक स्वास्थ्य विज्ञान प्रतिष्ठान विधेयकमा आफ्ना कुरा राख्दै समिति सदस्य कांग्रेस सांसदहरु प्रमिला दास, मंजुकुमारी यादव र सरस्वती चौधरीले नट अफ डिसेन्ट जनाएका हुन ।
विधेयकमा गठन हुने भनिएको प्रादेशिक स्वास्थ्य विज्ञान प्रतिष्ठानमा लोकतन्त्रका लागि आफ्ना जीवन सम्र्पण गरेका डा. लक्ष्मीनारायण झाको नाम समावेश गरी डा. लक्ष्मिनारायण स्वास्थ्य विज्ञान प्रतिष्ठान राख्नुपर्ने कांग्रेस सांसदहरुले प्रमुख रुपमा मांग उठाएका हुन । यसका साथै प्रतिष्ठान र प्रादेशिक अस्पताल छुट्टा छुट्टै नराखि एउटैमा समावेश हुनुपर्ने सहित व्यवस्था विधेयकमा थप्न मांग गरेका हुन ।
लोकपुकारसँग कुरा गर्दै सांसद प्रमिला दासले भनिन् डा. लक्ष्मिनारायण झा स्वतन्त्र व्यक्ति भएपनि वर्तमान लोकतन्त्र र संघीयताका लागि ठूलो योग्दान पुरयाउनु भएको छ । राज्यले उहाँलाई बेपता समेत पारियो, यस्ता योग्दान पुरएका व्यक्तिलाई सम्मान दिन हामीले प्रादेशिक स्वास्थ्य विज्ञान प्रतिष्ठान गठनमा नाम जोडनुपर्ने भनेका हौं ।
यसका साथै प्रतिष्ठान र अस्पताल संगै राखिएको खण्डमा प्रतिष्ठान अन्तर्गत रहेमा अस्पतालले राम्रो सेवा प्रदान गर्न सक्नेछ, भन्ने उद्देश्यका साथ हामीले प्रतिष्ठान र प्रादेशिक सँगै राख्नुपर्ने माँग गरेका थियौं तर बहुमतको दम्भमा सदर गरी छलफलको लागि सदनमा पठाइएको उनले भनिन् ।
कांग्रेस सांसदहरुको असहमतिका बावजूद बहुमतले सदर गर्दै छलफलका लागि संसदमा पठाएको ती विधेयकमाथि प्रदेश सभाको आगामी बैठकमा दफावार छलफल हुने जनाइएको छ ।
यो विषयमा आफ्नो प्रतिक्रिया दिनुहोस् !