जनकपुधाम, असोज २२ गते । महिलालाई बोक्सी आरोपमा निर्घात रुपमा कुटपिट गरेको आरोपमा सिरहा प्रहरीले एक युवकलाई पक्राउ गरेको छ ।
गत भदौ २७ गते नवराजपुर गाउँपालिका ५ बस्ने रामनारायण यादवकी पत्नी मूर्ति देवीमाथि कुटपिट बोक्सी आरोपमा कुटपिट गरेको आरोपमा स्थानीय युवक सन्तोष यादव पक्राउ परेका हुन् ।
कुटपिटबाट मूर्तिदेवीको दुई वटा दाँत भाँचिएको थियो । मूर्तीदेवीलाई स्थानीय धर्मनाथ यादवको घरमा बोलाएर कुटपिट गरिएको थियो । प्रदेश प्रहरी कार्यालय, जनकपुरधाम र जिल्ला प्रहरी कार्यालय सिराहाको संयुक्त टोलीले यादवलाई नेपाल–भारत सीमा क्षेत्र नजिक ठाडीबाट पक्राउ गरिएको प्रदेश प्रहरी कार्यालय, जनकपुरधामले जनाएको छ ।
मूर्तिदेवीलाई कृष्ण यादव, धर्मनाथ यादव, सन्तोष यादवसहित ८ जनाले बोक्सीको आरोपमा भदौ २७ गते राति ११ बजे मरणोसन्न हुनेगरी कुटपिट गरेको पीडितको आरोप छ । कुटपिट गरेर फरार भएका अन्यको खोजी भइरहेको प्रदेश प्रहरी प्रमुख डीआईजी धिरजप्रताप सिंहले जानकारी दिए ।
प्रहरीले अनुसार पीडित पक्षको उजुरीको आधारमा ८ जनाविरुद्ध बोक्सीको आरोप सम्बन्धी कसुरमा मुद्दा दायर गरी अनुसन्धान प्रक्रिया अघि बढाएको छ ।
यो विषयमा आफ्नो प्रतिक्रिया दिनुहोस् !