वीरगञ्ज, असोज २१ गते । प्रहरीले बारामा भारी मात्रामा गाँजा बरामद गरेको छ भने पर्साबाट एकजनालाई अफिम सहित पक्राउ गरेको छ ।
बारा प्रहरीले उत्तरबाट दक्षिण वीरगञ्जतर्फ आउँदै गरेको ना ७ ख ९५५४ नम्बरको ट्रकबाट १ सय ४७ किलो गाँजा बरामद गरेको हो । ट्रकको पछाडि ७ वटा पोकामा १ सय ४७ किलो गाँजा बरामद भएको जिल्ला प्रहरी कार्यालय बाराले जनाएको छ ।
इलाका प्रहरी कार्यालय जीतपुरले कार्यालय अगाडि नै चेकजाँचको क्रममा ३ वटा ट्रकको पछाडिको ट्रकमा सम्बन्धित मानिस फेला नपरेपछि चेकजाँच गर्दा गाँजा भेटिएको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिएका छन ।
गाँजा कसले कहाँबाट ल्याएको हो ? कहाँ लैजान लागिएको हो ? केही खुल्न नसकेको प्रहरीले जनाएको छ । प्रहरीले ट्रक धनी र चालकको खोजी गरिरहेको छ । गाँजासहितको ट्रकलाई जिल्ला प्रहरी कार्यालय बारामा राखिएको उनले बताए ।
त्यस्तै पर्साम प्रहरीले अफिमको ८ किलो धुलोसहित एक जना पक्राउ गरेको छ । कालिकामाई गाउँपालिका–१ तीन डोबिया बस्ने २९ वर्षीय खोवारी प्रसाद पक्राउ परेका हुन् ।
गएराति साढे १० बजे विशेष सूचनाको आधारमा इलाका प्रहरी कार्यालय पोखरियाको टोलीले आफिमसहित खोवारीलाई नियन्त्रणमा लिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक मनोजित कुँवरले जानकारी दिएका छन ।
अफिमसहित पक्राउ परेका उनलाई इलाका प्रहरी कार्यालय पोखरीयामा राखेर थप अनुसन्धान गरिरहेको प्रहरीले जनाएको छ ।
यो विषयमा आफ्नो प्रतिक्रिया दिनुहोस् !