जनकपुरधाम, असोज १६ गते । गाँधी जयन्तीको अवसरमा भारत सरकारले नेपालका नाफारहित विभिन्न सरकारी तथा गैर सरकारी संस्थालाई ४१ वटा एम्बुलेन्स र ६ वटा बस प्रदान गरेको छ ।
भारत सरकारले स्वतन्त्रताको दिवसको अवसरमा प्रत्येक वर्ष नेपालका विभिन्न विद्यालयलाई बस सरकारी र गैरसकारी संस्थालाई एम्बुलेन्स प्रदान गर्दै आएको छ । सोही अनुरुप घोषणा गरिएका एम्बुलेन्स र बस गाँधी जयन्तीको अवसरमा प्रदान गरिएको हो ।
१५१ औँ गान्धी जयन्तीको अवसरमा नेपालका लागि भारतका राजदूत एच.इ. विनय मोहन क्वात्रले दूतावास परिसरमा रहेको गाँधीको प्रतिमामा फुलमाला चढाएर श्रद्धान्जली अर्पण गर्दै प्रत्येक वर्ष झै यसवर्ष पनि नेपालको स्वास्थ्य र शिक्षा क्षेत्रमा सहयोग गर्ने उद्देश्यले एम्बुलेन्स र बस प्रदान गरियो ।
भारत सरकारले नेपाल स्थित दूतावास मार्फत सन् १९९४ देखि दुर्गम सहित देशका ३० वटा जिल्लामा एम्बुलेन्स र स्कूल बस प्रदान गर्दै आएको हो । दूतावासले पहिलो पटक यस वर्ष नेपाल सरकारको निर्देशन अनुसार एम्बुलेन्सको तीन बिभिन्न कोटी, उन्नत जीवन समर्थन कोटी, आधारभूत जीवन समर्थन र साझा जीवन समर्थन एम्बुलेन्स उपहार स्वरूप प्रदान गरेको छ ।
एडभान्स लाइफ सपोर्ट श्रेणी एम्बुलेन्समा ट्राभल भेन्टिलेटर, ईसीजी र अक्सिजन मोनिटर, स्वचालित बाह्य डिफिब्रिलेटर, नेबुलाइजर सेट, बीपी उपकरण, स्टेथोस्कोप, अम्बु ब्याग, विभिन्न ट्युब र क्याथेटर, ह्विल चेयर र स्ट्रेचर, रेडियो संचार उपकरण र फोरजी जस्ता उपकरणहरू समावेश गरिएको छ ।
भारतीय दूतावासले नेपालको शैक्षिक क्षेत्रमा सहयोग पुरयाउने उद्देश्यले हालसम्म देशभरिमा १ सय ६० वटा स्कूल बस उपाहार स्वरुप प्रदान गरिसकेको छ ।
भारत सरकारले नेपालको स्वास्थ्य सेवाहरू, विशेष गरी आपतकालीन चिकित्सा सेवाहरूको सुदृढीकरणका लागि नेपालको प्रयासलाई निरन्तर समर्थन पु¥याइरहेको छ र विद्यार्थीहरूलाई उनीहरूको सिकाउने ठाउँमा सजीलो शारीरिक पहुँचको सुविधा प्रदान गर्दै जाने दूतावासले प्रेस विज्ञप्ति मार्फत जनाएको छ ।
यो विषयमा आफ्नो प्रतिक्रिया दिनुहोस् !