जनकपुरधाम, असोज १३ गते । प्रत्येक वर्ष बाढीको चपेटामा पर्दै आएका सप्तरीको बिहुल बलान नदी नियन्त्रण तथा रोकथामका प्रदेश २ सरकारलाई ध्यानाकर्षण गराइएको छ ।
मंगलवार भौतिक पुर्वधार बिकास मन्त्री जितेन्द्र सोनललाई प्रतिनिधि सभा सदस्य रेणु यादवको उपस्थितिमा प्रदेश सभा सदस्य अभिषेक यादव र गाउँपालिका अध्यक्ष दयानन्द गोइतले नदीमा बांध निर्माणको मांग गर्दै छुट्टा छुट्टै रुपमा ध्यानाकर्षण पत्र बुझाएका हुन ।
गत दुई वर्षअघि पुर्वमा बिहुल र पश्चिममा बलान नदीकमा रहेको बाँध फुटेर जिर्ण भएको कारण बलान विहुल गाउँपालिकाका स्थानीय वर्षायाममा बाढीको त्रास र आतंकित भएर बस्नुपर्ने बाध्यता रहेकोले तत्काल बांध निर्माण गर्न मांग गरिएको छ ।
सो ध्यानाकर्षण पत्रमा बाँध जिर्ण भएको कारण बाढीले बगाएपछि गाउँपालिकाको वडा नम्बर १, २, ३ र ४ समेत बग्ने सम्भावना रहेको भनिएको छ । नदीको बाँध अत्यन्त जिर्ण रहेको कारण जुनसुकै बेला पनि सो बाँध भत्किन गएपछि वस्ती भित्र पानी पसेपछि ठूलो धनजनको क्षति हुन जाने भएकोले तत्काल प्रदेश सरकारले ध्यान पुरयाउन भनिएको छ ।
स्थानीयको जिउज्यान र खेतीबालीको सुरक्षाका लागि नदी नियन्त्रणका लागि गाउँपालिकाले विस्तृत परियोजना समेत तयार पारिसकेको हुनाले नदीको निरिक्षणका लागि आग्रह गर्दै बलियो र आधुनिक बाँध निर्माणका लागि नदी नियन्त्रण योजना अन्तर्गत उच्च प्राथमिकतामा राखेर बजेट विनियोजन गर्न गाउँपालिकाले मांग गरिएको छ ।
ध्यानाकर्षण बुझ्दै मन्त्री सोनलले बाढी प्रभावित क्षेत्रलाई नदी नियन्त्रण योजना अन्तर्गत प्रदेश सरकारले उच्च प्राथमिकता राखेको भन्दै तत्कालै कार्य अघि बढाउने प्रतिबद्धता जनाए ।
यो विषयमा आफ्नो प्रतिक्रिया दिनुहोस् !