जनकपुरधाम, असोज १२ गते । सरकारले नेपाल र भारतका विभिन्न कम्पनीको ह्याण्ड सेनिटाइजर प्रयोग नगर्न आग्रह गरेका छ ।
स्वास्थ्य तथा जनसंख्या मन्त्रालय अन्तर्गतको औषधि व्यवस्था विभागले एक सूचना गरी विषाक्त मिथानोल मिश्रित विभिन्न कम्पनीद्वारा उत्पादित ह्याण्ड सेनिटाइजर मानव स्वास्थ्यमा गम्भीर असर पार्न भएको हुनाले प्रयोग नगर्न÷गराउन आग्रह गरेको हो ।
सूचनामा भनिएको छ बजारमा विक्री वितरण भइरहेको ह्याण्ड सेनिटाइजरको नमूना संकलन गरी राष्ट्रिय औषधि प्रयोगशालामा परीक्षण गर्दा तोकेको मापदण्ड विपरित विषाक्त मिथानेल प्रयोग गरी विक्री वितरण गरेको पाइएकोले ती कम्पनीका सेनिटाइजर प्रयोग नगरौं ।
सूचनामा विभिन्न ९ वटा कम्पनीको उत्पादनहरु मिथानोल मिश्रित अर्थात् विषाक्त रहेको नामावली समेत सार्वजनिक गरिएको छ । विभागले सूचना प्रकाशन अवधिसम्म ६ वटा कम्पनीको ९ वटा उत्पादन रहेको थियो तर अनुसन्धान प्रक्रिया बढदै जाँदा १६ वटा कम्पनीबाट उत्पादित १८ वटा प्रोडक्टको विषाक्त सेनिटाइजर विक्री वितरण गरिहेको पाइएको जनाएको छ ।
विभागले ती सेनिटाइजर प्रयोग नगर्न सूचना सार्वजनिक गरेपनि विषाक्त सेनिटाइजर उत्पादन गर्ने कम्पनीको दर्ता खारेज गर्ने र बिक्रीवितरण पनि रोक्ने काम गरे पनि मानव स्वास्थ्यमा असर गर्ने त्यस्ता उत्पादन गर्ने कम्पनी र उत्पादनकर्तालाई थप के कारबाही हुन्छ भन्ने स्पष्ट हुनसकेको छैन । विभागले अहिलेसम्म कुन कानुन अनुसार के कारबाही गर्ने र मुद्दा दायर गर्ने कि नगर्ने भन्ने अहिलेसम्म स्पष्ट हुनसकेको छैन । त्यही गुणस्तरहीन वस्तु बिक्रीवितरण गर्नेलाई भने जेलसम्मको सजाय तोकिएको छ ।
सरकारले विभिन्न निकायले उपभोक्ता संरक्षण ऐन, २०७५ अनुसार त्यस्ता गुणस्तरहीन वस्तु बिक्रीवितरण गर्ने पसल तथा व्यापारीलाई तत्कालै पाँच लाखसम्म जरिवाना गर्दै मुद्दा दायर गरेर जेल सजायसम्मको कारबाही गर्दै आएको छ ।
औषधि व्यवस्था विभागले औषधि उत्पादन गर्नेबाहेक अरुलाई पनि सेनिटाइजर उत्पादन गर्ने अनुमति दिँदा गुणस्तरहीन सेनिटाइजर उत्पादन भइरहेको नेपाल औषधि उत्पादक संघका पूर्वअध्यक्ष दीपक प्रसाद दाहालले बताए ।
यी हुन् विषाक्त सेनिटाइजर
विभागले सोमवार बेलुकासम्म १८ वटा उद्योगका सेनिटाजरलाई विषाक्त भन्दै बिक्रीवितरण रोकेको छ ।
१ स्ट्यान्ट हेन्ड सेनिटाइजर ओरिजिनल, हाइजिन सप एण्ड केमिकल्स प्रालि
२ स्ट्यान्ट हेन्ड सेनिटाइजर, नेपाल कायाकल्प उद्योग
३ एड्भान्स हेन्ट सेनिटाइजर, अधर केमिकल्स एण्ड फुड इन्ड्रष्ट्रिज
४ स्ट्यान्ट हेन्ड सेनिटाइजर रिफ्रेसिङ जेल, सर्च जेम कम हर्बल प्रोडक्ट
५ सूर्यमुखी हेन्डसेनिटाइजर, सूर्यमुखी हर्बल्स प्रोडक्सन्
६ ओपेकल नन वासिङ एन्टिब्याक्टेरियल सोलुसन १२० एमल
७ सासा स्ट्यान्ट हेन्ड सेनिटाइजर ५० एमएल, सम्पदा हेल्थकेयर
८ पामा केयर स्ट्यान्ट हेन्डसेनिटाइजर ६० एमएल, आरएल कर्प इन्डिया
९ युनकेयर स्ट्यान्ट हेन्ड सेनिटाइजर, श्रीनाथ हर्बल एण्ड कस्मेटिक इन्ड्रष्ट्रिज
१० हर्बलट्री हेन्ड रब ५०० एमएल, शिभिका कस्मेच्युटिकल्स, भारत
११ कुम हेन्ड सेनिटाइजर ५ लि.
१२ क्लिन हेन्ड सेनिटाइजर,
१३ कुमकुम स्टान्ड हेन्ड सेनिटाइजर
१४ स्ट्यान्ट हेन्ड सेनिटाइजर
१५ स्टान्ड हेन्ड सेनिटाइजर ओरिजिनल
१६ साधना स्टान्ड हेन्डसेनिटाइजर
१७ ड्रोन हेन्ड सेनिटाइजर, ५०० एमएल, यसो कलर्स
१८ ड्रोन हेन्डसेनिटाइज, ५०० एमएल, कलरलेस
यो विषयमा आफ्नो प्रतिक्रिया दिनुहोस् !