जनकपुरधाम, असोज १२ गते । न्यायमा पहुँच अभिवृद्विका लागि कानुन जागरुकताको गतिविधिहरुको कार्यान्वयनको उद्देश्यले जनकपुरधाममा दुई दिने अभिमुखिकरण कार्यक्रम सम्पन्न भएको छ ।
दलित समाज उत्थान समिति नेपालको आयोजना र युएनडिपीको सहयोगमा सम्पन्न सो कार्यक्रममा जनकपुरधाम स्थित विभिन्न संचारमाध्यम सँग आबद्ध १५ जना पत्रकारको सहभागिता रहेको थियो ।
असोज ११ र १२ गते सम्पन्न सो अभिमुखिकरण कार्यक्रममा प्रशिक्षक अधिवक्ता राजकुमार महासेठले संविधानमा व्यवस्था गरिएको मौलिक हक, मानवअधिकार र न्याययिक समितिमा रहेका व्यवस्था बारे जानकारी गराएका थिए ।
कार्यक्रममा समेटिएका विषयवस्तु समाचार सम्प्रेषणमा पत्रकारका लागि थप बल पुग्ने आयोजक पक्षको दाबीले गरेका छन । संस्थाका पुनित चौधरीले न्यायमा पहुँच अभिवृद्वि गर्न कानुनी जागरुकता गतिविधीहरुको कार्यान्वयन अन्तर्गत पत्रकारहरुलाई प्रशिक्षण दिएको बताए ।
कार्यक्रमका अध्यक्षता गरेका नेपाल पत्रकार महासंघ धनुषाका कोषाध्यक्ष अवधेश कामतले प्रशिक्षणमा जानकारी गराइएका कुराहरुले सहभागी पत्रकारहरुलाई थप सहयोग पुग्नेछ ।
उनले पत्रकारहरुको दक्षता अभिवृद्धिका लागि यस्ता अभिमुखिकरण र प्रशिक्षण कार्यक्रमहरु आयोजना समय समयमा भयो भने नवप्रवेशी पत्रकारले सिकाईको रुपमा लिनेछ भने कार्यरत पत्रकारहरुलाई स्मरणकाका लागि ठूलो सहयोग पुग्नेछ ।
यो विषयमा आफ्नो प्रतिक्रिया दिनुहोस् !