जनकपुरधाम, असोज १० गते । सामुहिक बलात्कार घटनामा पिडीत किशोरी परिवारलाई आर्थिक प्रलोभन दिई घटना मिलाउन खोज्ने व्यक्ति पक्राउ परेको छ ।
पीडित परिवारलाई १२ लाख रुपैयाँ लिएर घटना मिलाउन दबाब दिएको र नमिले ज्यान मार्ने धम्की दिने धनुषाधाम नगरपालिका–२ धर्मपुरका सत्यनारायण यादवलाई धनुषा प्रहरीले पक्राउ गरेको बताइएको छ ।
धनुषाको सबैला नगरपालिका–१२ रघुनाथपुरकी १५ वर्षीया दलित किशोरीको सामूहिक बलात्कारमा संलग्न श्यामसुन्दर यादवलाई बचाउन उनका बुबा सत्यनारायणले पीडित परिवारलाई १२ लाख रुपैयाँ लिएर कारवाही प्रक्रिया अगाडी नबढाउन धम्की दिएका थिए ।
शनिवार बिहान पक्राउ परेका यादवलाई हिरासतमा राखि अनुसन्धान प्रक्रिया अघि बढाइएको जिल्ला प्रहरी कार्यालय धनुषाका प्रहरी उपरीक्षक रमेश बस्नेतले बताएका छन । पक्राउ परेका यादवले पीडित किशोरीकी आमा बुवालाई गाउँ नजिकैको विद्यालयमा बोलाएर घटना मिलाउन दबाब दिएको अनुसन्धानबाट खुलेको प्रहरीको भनाई छ ।
धनुषाको धनुषाधाम नगरपालिका २ धमौरा पोखरी नजिकै भदौ १ गते बेलुकी करिब ६ बजेर ४५ मिनेटमा धनुषाधाम नगरपालिका–५ नौसयबिघाबाट आफ्नो गाउँ जाँदै गर्दा स्थानीय १०/१५ जना युवाहरु घेराउ गरि किशोरीसँगै रहेका दुई युवालाई कुटपिट गर्दै सडकमा बन्धक बनाएर किशोरीलाई करिब ३ किलोमिटर पर धान खेतमा लगेर सामूहिक बलात्कार गरेका थिए ।
दिदीको घरबाट आफ्नो दुईजना दाजुसँगै घर गईरहेका बेला मोटरसाईकलबाट पछाडि गर्दै युवकहरुले समूहले धरमपुर नजिक पुगेपछि युवतीका दुबै दाजुलाई कुटपिट गरी भगाएर किशोरीको सामूहिक बलात्कार गरेका थिए ।
यो विषयमा आफ्नो प्रतिक्रिया दिनुहोस् !