राजविराज, असोज ९ गते । सप्तरीको खड्ग नगरपालिका ८ स्थित होम आइसोलेशनमा बसेका एक कोरोना संक्रमितलाई वडाध्यक्षले दुव्र्यवहार गरेको आरोप लगाइएको छ ।
वडाध्यक्ष मो. ईसराईल मियाँले ती संक्रमितलाई घरलाई नै आईसोलसन बनाएर कोरोना फैलाएको आरोप लगाउदैँ जथाभावी बोलेर दुव्र्यवहार गरेको कारण आफूलाई मनोबल गिराउने काम वडाध्यक्षले गरेको संक्रमितको आरोप छ ।
एकै थलोमा रहेका आधा दर्जन संक्रमितले आफुहरुलाई कुनै पनि किसिमको लक्षण नदेखिएको र सबै जना अहिलेसम्म निको रहदाँ समेत वडाध्यक्षको व्यवहारले गर्दा आफुहरु दुखी भएको बताउछन् ।
स्थानीय संचारकर्मी समेत रहेकी संक्रमितले भनिन् हामी सबै जना आईसोलेसनमा रहिरहेको बेला वडाध्यक्षजीले लामो समयपछि एकाएक एम्बुलेन्स र प्रहरीको एक टोलीलाई घरमै मगाएर हामी माथि जाई लाग्नु भयो र आमा र दिदीसंग केहि क्षण भनाभन समेत गर्यो ।
उनले वडाध्यक्षले लामो समयसम्म हाम्रो मनोबल खसाउने कार्य गर्दै जथाभाविरुपमा तल्लोस्तरमा उत्रेर हामीमाथि खनिएको बताइन् । उनले भनिन् म लगायत ६ जना संक्रमित एकै ठाउँमा छौँ, मेरी दिदी र म पनि सिएमए अर्थात स्वास्थ्य सम्बन्धी अध्ययन गरेको छु, यस्तो समयमा कसरी रहनुपर्छ र अरुलाई पनि संक्रमित हुनबाट बचाउनुपर्छ भन्ने कुराबाट परिचित छु, तर वडाध्यक्षज्यूको व्यवहारबाट हाम्रो मानमर्दन भएको छ । संक्रमितसंगको व्यहावर तल्लोस्तरमा उत्रेर गर्नु उचित होइन ।
ती पिडीत संक्रमितले मेरो स्वास्थ्य परिक्षण वितेको बुधबार भएको र ९ दिनपछि परिक्षणको रिपोर्ट कोरोना पोजेटिभ आएपछि जानकारी भयो, त्यसपछि मैले आफु समक्ष कसैलाई पनि आउन दिएको छुईन । सरकारले होम आईसोलेसनमा बस्न पाउने नियम रहेअनुसार आफुले सोही पनि होम आईसोलेसनमा बसेको र मसंगै स्वास्थ्य परिक्षण भएका र मेरो सम्पर्कमा रहने केहि छिमेकीको पनि ट्रेसिंगको आधारमा कोरोना पोजेटिभ आएकाहरु सबै जना वैठक कोठालाई नै आईसोलेसन बनाएर सरकारको मापदण्ड अनुसार रहने गरेका छौँ ।
यता वडाध्यक्ष ईसराईल मियाँले आफुले प्रहरी र एम्बुलेन्स लिएरको संक्रमितको घर गएको, तर आफुले दुव्र्यवहार नगरेको बताएका छन ।
यो विषयमा आफ्नो प्रतिक्रिया दिनुहोस् !