जनकपुरधाम, असोज ७ गते । बुधबार २४ घण्टासम्म सबै प्रदेशमा भारी वर्षाको सम्भावना रहेकाले सतर्कता अपनाउन आग्रह गरिएको छ ।
मौसम पुर्वानुमान महाशाखाले बुधबार बिहान ६ बजेदेखि बिहीवार एक सूचना जारी बिहान ६ बजेसम्म देशका ७ वटै प्रदेशमा ठूलो वर्षाको सम्भावना रहेको र नदीनालामा पानीको बहाव समेत बढन सक्ने र पहाडी भू भागमा पहिरो जान सक्ने भएको हुनाले सर्तक रहन आग्रह गरेको हो ।
हुनत अहिले पनि देशका धेरै स्थानमा हल्कादेखि मध्यम वर्षा भइरहेको छ । वर्षातले गर्दा ती स्थानका सडक तथा हवाई यातायात प्रभावित हुन सक्ने भएकाले आवश्यक सतर्कता अपनाउन हुन अनुरोध छ । पछिल्लो पटक नदीहरुमा पानीको बहाव बढन सक्ने भएको हुनाले नदी किनारमा कुनै क्रियाकलापन नगर्न÷गराउन आग्रह महाशाशाखाले गरेको थियो ।
महाशाखाका अनुसार हाल भारतको छत्तिसगढको उत्तरी क्षेत्रमा न्यून चापीय क्षेत्र छ र यो पश्चिम उत्तरपश्चिम सर्दै आएकोले नेपालमा वर्षा हुने क्रम बढेको हो । तीन दिनसम्म वर्षा निरन्तर हुनेछ तर प्रदेशह २ मा बिहीवार थोरै वर्षाको सम्भावनाको सम्भावना देखिएको छ ।
बिहान देशभरि नै वर्षा हुनेछ भने दिउँसो सबै प्रदेशका थोरै÷थोरै स्थानमा भारी वर्षाको सम्भावना छ ।
साथै प्रदेश नं १, प्रदेश नं २, बागमती प्रदेश, गण्डकी प्रदेश र प्रदेश नं ५ का १/२ स्थानमा भने धेरै भारी वर्षाको समेत सम्भावना रहेको महाशाखाले जारी गरेको ‘मौसम पूर्वानुमान बुलेटिन’मा उल्लेख छ।
यसैगरी राति पनि देशका धेरै स्थानमा वर्षा जारी रहने तथा सबै प्रदेशका थोरै/थोरै स्थानमा भारी वर्षाको सम्भावना छ ।
प्रदेश नं १, बागमती प्रदेश, गण्डकी प्रदेश, प्रदेश नं ५ र कर्णाली प्रदेशका १/२ स्थानमा धेरै भारी वर्षाको समेत सम्भावना रहेको महाशाखाले जारी गरेको सूचनामा भनिएको छ ।
महाशाखाले जारी गरेको सूचना
यो विषयमा आफ्नो प्रतिक्रिया दिनुहोस् !