जनकपुरधाम, असोज ४ गते । कोरोना संक्रमणको महामारीले बढदै गएको बेरोजगारीको मध्यनजर गर्दै कोही भोकै नबस्नु उद्देश्यले तराई इन्जिनीयर्स समाजले राहत वितरण कार्य जारी राखेका छन ।
समाजले धनुषा र महोत्तरीका विभिन्न गाउँमा राहत वितरणको अभियान थालेका छन । सो क्रममा महोत्तरीको बलवा नगरपालिका र धनुषाको मिथिलाबिहारी नगरपालिकामा स्थानीयलाई राहत वितरण गरिएको हो ।
राहत वितरणको शुभारम्भ महोत्तरीको वलवा नगरपालिका बदिया गाउँका ४५ विपन्न परिवारबाट गरिएको थियो । शुक्रवार बदियाका विपन्न परिवारलाई चाबल १० किलो, रहर दाल २ किलो, आलु २ किलो, प्याज २ किलो, सोयाविन २ किलो, नून १ किलो, नुहाउने साबु १ वटा, कपडाको साबुन १ वटा, मास्क र सेनिटाइजर पनि वितरण गरिएको जनाइएको छ ।
त्यस्तै धनुषाको मिथिला विहारी नगरपालिमा ५० जनालाई चाबल १० किलो, रहर दाल २ किलो, आलु २ किलो, प्याज २ किलो, सोयाविन २ किलो, नून १ किलो, नुहाउने साबु १ वटा, कपडाको साबुन १ वटा, मास्क र सेनिटाइजर पनि वितरण गरिएको छ ।
समाजका प्रदेश २ अध्यक्ष भगवान झाले खानाको अभावमा कसैलाई भोकै बस्न नपरोस भन्ने सोचका साथ नेपाल तराई इन्जिनीयर्स समाज अगाडि बढेको जानकारी दिए । उनले भने हुनत लकडाउन खुलिसकेको अवस्था छ तर अधिकांश विपन्न परिवार रोजगारीको आभावमा भोकै बस्नुपर्ने अवस्था छ ।
राहत वितरणका साथै कोरोनाबाट कसरी जोगिने जनचेतना फैलाउने काम समेत समाज अगाडि बढाएका छन । कोरोना महामारीको शुरुवातमा प्रदेश २, स्थानीय तह सहित विभिन्न संघ संस्थाले राहत वितरण गरेका थिए । तर अहिले कोरोना तेश्रो स्टेजमा पुगेको बेला राहतमा कसैले ध्यान नपुरयाएपछि समाज अघि बढेको हो ।
नेपाल तराई इन्जिनियर्स समाजका केन्द्रिय महासचिव दीपेन्द्रकुमार साहले दैनिक काम गरेर गुजारा गर्नेहरुको अवस्था एकदमै दयनिय रहेको चर्चा गर्दै पेशागत संस्था र समाजसेवीहरुले राहत वितरण अभियानमा बल दिनुपर्ने आवश्यक्ता रहेको उल्लेख गरे ।
समाजले राहत वितरण बाहेक सशस्त्र प्रहरीलाई पनि मास्क, सेनिटाइजर वितरण गरेको छ । सो सामग्री सशस्त्रको कार्यालयमा प्रहरी उपरीक्षकले बुझेका थिए । दूई हजार मास्क र २ सय सेनिटाइजर रहेको थियो ।
यो विषयमा आफ्नो प्रतिक्रिया दिनुहोस् !