जनकपुरधाम, भदौ २९ गते । रेलवे संचालनको तयारीका लागि रेल विभागले पुनः सोमवार विभिन्न २९ वटा पदको लागि कर्मचारी माग गरेको छ ।
जनकपुर–जयनगर रेल सञ्चालनको लागि विभागले २९ वटा पदको लागि १ सय २९ जना कर्मचारीको विज्ञापन प्रकाशन गरेको छ । विभागले करार सेवामा खुल्ला प्रतिस्पर्धाद्धारा कर्मचारीहरु परिपूर्तिका लागि सोमबार विज्ञापन प्रकाशित गरेको छ ।
विभागले स्नात्तक देखि लिएर सामान्य लेखपढ गरेकाहरुको लागि समेत विज्ञापन आह्वान गरेको छ । विभागले अधिकृत तृतिय स्तरको लागि प्रशासन शाखाको लागि एकजना शाखा अधिकृतको लागि विज्ञापन निकालेको हो ।
त्यस्तै कानून अधिकृत १ जना, स्टेशन मास्टरमा ३ जनाको माग गरेको छ । त्यस्तै विभागले सव इन्जिनियर, सहायक स्टेशन मास्टर, प्रमुख प्रशासन सहायक, लेखापाल, कम्प्युटर अपरेटर, क्यासियर, टिकट विक्रेता सहायक, टिकट क्लेक्टर, हेल्पर, कार्यालय सहयोगी लगायतको पदमा विज्ञापन आह्वान गरिएको छ ।
आवेदन लागि असोज १२ गतेसम्मको समयावधि दिइएको छ भने वेभसाईट www.nepalrailway.org मार्फत विभिन्न विज्ञापनमा अनलाईन दर्खास्त भर्न सक्ने जनाएको छ ।
विभागले अधिकृतको लागि एक हजार रुपैयाँ, सहायक स्तरको लागि ४ सय रुपैयाँ र श्रेणी विहिन स्तरको लागि ३ सय रुपैयाँ दस्तुर तोकेको छ ।
यो विषयमा आफ्नो प्रतिक्रिया दिनुहोस् !