जनकपुरधाम, भदौ २३ गते । रिहा भए लगतै पुनः नेत्रविक्रम चन्द ‘विप्लव’ नेतृत्वका नेकपाका नेता अनिल शर्मा ‘विरही’ लाई प्रहरीले पक्राउ गरेको छ ।
शनिवार चितवनको भरतपुरबाट पक्राउ गरी धनुषा ल्याइएका विप्लव नेता विरहीलाई धनुषा जिल्ला अदालतले मंगलबार १० हजार धरौटीमा रिहा गरे लगतै पुनः धनुषा प्रहरीले पत्राउ गरेको छ ।
जिल्ला अदालतका न्यायाधीश विनोद खतिवडाको इजलासबाट धरौटीमा विरही रिहा भएपछि धनुषा प्रहरीले दर्ता भएको संगठित अपराध, कर्तव्य ज्यान, ज्यान मार्ने उद्योग र विष्फोटक मुद्दामा पक्राउ गरयो ।
पक्राउपछि नेता विरहीलाई धनुषा प्रहरीले सुनसरी प्रहरीको जिम्मा लगाइने धनुषा प्रहरीका प्रबक्ता मकेन्द्रकुमार मिश्रले जानकारी दिएका छन । सुनसरीमा पनि उनीविरुद्ध यस्तै मुद्दा रहेकोले सुनसरी प्रहरीको जिम्मा लगाइने बताइएको छ ।
उपचारका लागि चितवनको भरतपुर अस्पताल पुगेका विरहीलाई शनिबार पक्राउ गरी धनुषा प्रहरीको जिम्मा लगाएको थियो ।
यो विषयमा आफ्नो प्रतिक्रिया दिनुहोस् !