जनकपुरधाम, भदौ १४ गते । धनुषा चेम्वर अफ कर्मसले लकडाउनका कारण उद्योगी व्यापारीहरुले भोग्नु परिरहेको समस्या समाधान बारे तिनै तहको सरकारलाई ज्ञापनपत्र बुझाएको छ ।
चेम्बरले व्यापारीको हकहितका लागि विभिन्न ७ बुँदे सहितको ध्यानाकर्षणपत्र धनुषाका प्रमुख जिल्ला अधिकारी प्रेमप्रसाद भट्टराई मार्फत संघीय सरकार, प्रदेश सरकार एवं स्थानीय तहहरु बुझाइएको कुरा वरिष्ठ उपाध्यक्ष सरोज कुमार मिश्रले बताएका छन ।
सरकारले लकडाउनको नाममा व्यापारीहरुलाई धारासायी बनाउने काम गरिरहेको भन्दै कमर्सले यी समस्याहरुको समाधान तत्कालै निकाल्न माग ज्ञापनपत्रमा प्रमुख रुपमा गरेको छ ।
चेम्बरका अध्यक्ष विजय कुमार साहले व्यापारीहरू सरकारी ट्याक्स, बैंक ब्याज, पसल भाड़ा, आर्थिक खÞर्चको मार खेपिरहेको समयमा पनि सरकारले व्यापारीहरूलाई नै लकडाउनको नाममा धारासायी बनाउने काम गरेको आरोप लगाए ।
लामो लकडाउनको मार, बैंकको ब्याज, सरकारी कर, पसल भाड़ा र दैनिक घर चलाउने भार थेग्न नसक्ने उद्योगी व्यापारीहरु सरकारलाई आफ्नो व्यथा सुनाउन र त्यसको निराकरणका गर्न मांग सहित तिनवटै तहको सरकारलाई बुझाइएको ज्ञापनपत्रमा भनिएको छ ।
उनीहरुले सार्वजनिक पद धारण गरेका सरकारका मुखियादेखि स्थानिय तहसम्मका जनप्रतिनिधिहरूले आफ्नो तलव भत्ता र सेवा सुविधा यस विकट घड़ीमा जनताको पीडमार्का निवारण गर्न तर्फ लगाउनुपर्ने, व्यापारीहरुको समस्यालाई मध्यनजर गर्दै पसल भाड़ा, बैंकको ब्याज एवं सरकारी करमा राहत दिनुपर्ने मांग गरेका हुन ।
त्यसैगरी आम्दानी बन्द भएर आर्थिक मारमा परेका व्यवसायीहरुलाई लकडाउन अवधि भरका लागि खाद्यान्न सामग्री उपलब्ध गराउनुपर्ने, आइसोलेसन, क्वारेन्टाइन एवं कोभिड अस्पतालको यथाशीघ्र उचित ब्यवस्थापन हुनुपर्ने र सीमावर्ती क्षेत्र पूर्ण रुपमा सील गर्नुपर्ने लगायतका माग समेत अघि सारेका छन ।
यो विषयमा आफ्नो प्रतिक्रिया दिनुहोस् !