जनकपुरधाम, भदौ १२ गते । जनकपुरधाम उपमहानगरपालिकाद्वारा तिरहुतिया गाछीको कुरुप बनाउने गरी ऐतिहासिक मटाउन लागिएको छ ।
संघीय सरकारको योजना अन्तर्गत जनकपुरधाम उपमहानगरपालिका परिक्रमा सडक भित्र निर्माण भइरहेको विभिन्न ३० वटा शौचालय मध्ये एउटा दुई तल्ले डिलक्स भनिएको शौचालय तिरहुतिया गाछीको प्रमुख प्रवेशद्वारामै निर्माण भइरहेको छ ।
जिल्ला प्रहरी कार्यालय, जिल्ला अदालत, राजश्व कार्यालय लगायतका आधा दर्जनभन्दा बढी सरकारी कार्यालय जाने प्रमुख बाटोको रुपमा रहेको समेत रहेको तिरहुतिया गाडीको प्रमुख प्रवेशद्वारमै शौचालय निर्माण भइरहेकोले आगामी दिनमा समस्या हुन सक्ने स्थानीयको भनाई छ ।
वर्षौदेखि नजिकैमा शौचालय रहेपनि र अर्को शौचालय उपमहानगरपालिकाले शक्रवारी बजारमा निर्माण भइरहेको अवस्थामा तिरहुतिया गाछीको ऐतिहासिकता र सौन्दर्यता मेटाउने गरी प्रवेशद्वारमै निर्माण भइरहेकोमा जनकपुरस्थित विभिन्न संघ संस्थाले कडा विरोध जनाएका छन ।
संघीय सरकारको बजेटमा खानेपानी डिभिजन कार्यालय मार्फत उपमहानगरपालिकाको सहकार्यमा करीब ३० करोडको लागतमा ३० वटा शौचालय र लोहनामा सडक सहितको योजना मध्ये निर्माण भइरहेको ती शौचालय पनि एक हो । तिरहुतिया गाछी सहित जनकपुरको वडा नम्बर ७ लगायतका विभिन्न वडामा ३० वटा शौचालय मध्ये १५ वटाको निक्र्यौल भइसकेको छ भने १५ वटा उपमहानगरपालिकाले जग्गा नदिएको कारण थन्किएको छ ।
दुई वर्षमा कार्य सम्पन्न गर्ने गरी शौचालय र सडक सहितको ती योजनाका ठेक्का उपमहानगरपालिकाका मेयर लालकिशोर साहका नातेदार मुना साहले पाएका हुन । उपमहानरपालिकाका एक कर्मचारी श्रोतका अनुसार ठूलै कमीशनको चलखेलमा मेयर साहले सो ठेक्का आफ्ना नातेदार मुना साहलाई दिलाएका हुन ।
ती श्रोतका अनुसार यो एउटा उदाहरण मात्र हो, उपमहानगरपालिका भित्र भौतिक निर्माण सहितका हरेक विकास निर्माणका योजनाको ठेक्का मेयर साहले मापदण्ड मिचेर कमीशनको चलखेलमा भान्जा अरुण साह र नातेदार मुना साहलाई दिलाउंदै आएका छन ।
नगरभित्र यतिका ठाउँ हुँदाहुँदै तिरहुतिया गाछीको ऐतिहासिकता मेटाएर सौन्दर्यता कुरुप बनाउने गरी प्रवेशद्वारमै किन बनाइरहेको भन्ने जिज्ञासामा ठेक्केदार मुना साहले भने हामीले आफ्नो मनले होइन मेयर साहबले देखाएको जग्गामा पहिलो चरणमा १५ वटा शौचालय निर्माण गरिरहेका छौं ।
उनले भने हामी त ठेकेदार छौं सम्बन्धित निकायले उपमहानगरपालिकाले जहाँ जग्गा दिन्छ त्यही निर्माण गर्छौं, अब त्यो निर्माण कार्यले के फरक पर्छ भन्ने कुरा मेयर साहब सँग सोध्नुस ।
यता उपमहानगरपालिकाका उपमेयर रीता मिश्रले बचाउ गर्दै भनिन् योजना संघीय सरकारको हो काम खानेपानी डिभिजन कार्यालयले गराई रहेको छ हामी सहकार्य मात्र गर्ने हो, तिरहुतिया गाछीको प्रवेशद्वारमै निर्माण भइरहेको कार्यले हामी समेत आश्चर्यचकित छौं भन्दै हामीले भनेका जग्गामा निर्माण नगरी ठेकेदारले आफ्नो मनपर्दी ढंगले निर्माण गरिरहेको आरोप लगाईन ।
उनले भनिन् उपमहानगरपालिकाले जग्गा यकिन सहितको ३० वटै शौचालय र सडकको डिपीआर तयार समेत पारेर खानेपानी डिभिजन कार्यालयलाई दिइसकेका छौं हामीले तिरहुतिया गाछीको प्रवेशद्वारमा होइन बरु नजिकै रहेको पुरानो शौचालयको ठाउँमा निर्माण गर्न भनेका थियौं ।
तर ठेकेदारले मनपर्दी ढंगले जहाँ पाए त्यही निर्माण गरिरहेको छ । कतिपय शैचालय त अधुरै छाडेका छन, यसप्रति हामी ध्यानाकर्षण भएको बताईन । यसैबीच मेयर साहसँग जिज्ञासा राख्न खोज्दा पटक पटक फोन गर्दा पनि उनको मोबाइल उठेन ।
ऐतिहासिकता बोकेका तिरहुतिया गाछीको अधिकांश जग्गा चारैतिरबाट विभिन्न नाममा अतिक्रमण भइसकेको छ । अहिले आएर शौचालयको नाममा सौन्दर्यता बिगार्ने गरी प्रवेशद्वारमै उपमहानगरपालिकाले कब्जा गर्न खोजेका छन ।
यो विषयमा आफ्नो प्रतिक्रिया दिनुहोस् !