जनकपुरधाम, भदौ ११ गते । जनकपुरधाममा व्यवसायीहरुले लकडाउनमा मारमा परेको भन्दै राहतको मांग गर्दै सरकार विरुद्ध विरोध प्रदर्शन गरेका छन ।
बिहीबार धनुषा चेम्बर अफ कमर्सको नेतृत्वमा जनकपुरको शिवचोकमा व्यवसायीले राहत माग्दै प्लेकार्ड सहित विरोध प्रदर्शन गरेका हुन् ।
कोरोना संक्रमण फैलिन नदिन सरकारले झण्डै ४ महिनादेखि जारी राखेको लकडाउनको कारण व्यपार व्यवसाय ठप्प भएपनि सरकारको राजस्व, बैंकको ऋणको व्याज, घर सर्टरको भाडा तिर्नु परेकोले दयनीय अवस्थामा पुगेकोले सरकारले राहत दिनुपरयो धनुषा चेम्बर अफ कमर्सका वरिष्ट उपाध्यक्ष सरोज मिश्रले बताए ।
कतिपय व्यवसायीको व्यवसाय पूर्णरुपले बन्द हुँदा घरपरिवार संचालनमा समेत कठिनाइ भएकोले बाध्य भएर सडकमा उत्रिनु परेको उनले भने । संक्रमण जोखिम नियन्त्रणका लागि अन्य मुलुक जस्तै सरकारले उचित व्यवस्था गरी लकडाउन खोल्ने वातावरणको वैकल्पिक उपाय अपनाउन आग्रह समेत उनले गरे ।
व्यवसायीले सरकारलाई तिर्नुपर्ने कर, बैंकको ऋणको व्याज तथा घरभाडामा छुटको व्यवस्था सहितको राहत उपलब्ध गराउनुपर्ने माग गरेका छन् ।
बोर्डर पूर्णरुपले बन्द नभकाले भारबाट सहजै आवत, लकडाउनमा समेत भीडभाड जारी रहेकाले जोखिम कायम रहेकै अवस्थामा यस्तो लकडाउनको औचित्य नभएको व्यवसायी जानी खानले गुनासो गरे ।
प्रदर्शनमा उत्रेका व्यवसायीहरुले लकडाउनको नाममा व्यापार मात्र बन्द गरेर कोरोना नियन्त्रण भएको हो कि व्यापारी मारेको हो सरकार लकडाउन कहिलेसम्म, सिमा नाका पुर्णरुपमा सिल गर क्वारेन्टाइन, आइसोलेशन र कोभिड व्यवस्थापन गर, कर तिर्ने हामी व्यापारी मौज गर्ने तिमी सरकारी हाम्रो कमाईमा ताला छ तिम्रो कमाईमा चाला छ लगायतका नारा सहितको प्लेकार्ड प्रदर्शन गरेका छन ।
यो विषयमा आफ्नो प्रतिक्रिया दिनुहोस् !