जनकपुरधाम, भदौ १० गते । प्रदेश २ का मुख्यमन्त्री लालबाबु राउतका स्वकीय सचिव जितेन्द्र यादवले समाजिक सञ्जाल मार्फत पत्रकारलाई भिजलान्ते सहितका अपशब्द प्रयोग गरेकोप्रति नेपाल प्रेस संगठन धनुषाले पनि आपति जनाएको छ ।
नेपाल प्रेस संगठन धनुषाका संयोजक शैलेन्द्र महतो क्रान्ति र उपसंयोजक अवधेश कामतले संयुक्त रुपमा जारी गर्दै मुख्यमन्त्रीका स्वकीय सचिव यादवले स्वतन्त्र पत्रकारितामाथि हस्तक्षेप गर्ने गरी पत्रकार विरुद्ध गरेको अपशब्दको भत्र्सना गर्दै तत्काल उक्त अभिव्यक्ति फिर्ता सहित आत्मलोचना गर्न आग्रह गरेको छ ।
मुख्यमन्त्रीका स्वकीकय सचिव जस्तो पदमा भएका व्यक्तिले अपशब्द प्रयोग गरी पत्रकारिता क्षेत्रको बदनाम गर्नु निन्दनीय भएको विज्ञप्तीमा उल्लेख छ ।
समाचारमा चित्त नबुझेको खण्डमा सरोकारबाला लगायत सम्बन्धित निकायमा गुनासो गर्नुपर्नेमा समाजिक संजाल मार्फत पत्रकारलाई ‘भिजिलान्ते’ जस्ता शब्द प्रयोग गर्नु निन्दनीय भएकोले उक्त शब्द अभिलम्ब फिर्ता लिन माग गरेको हो । नभए संगठन बाध्य भएर आन्दोलनमा जाने समेत उनले विज्ञप्ती मार्फत चेतावनी दिएका छन् ।
केहिदिन अघि प्रदेश २ सरकारको भ्रष्टाचार र सरकार परिवर्तनको विषयमा आएको समाचारहरुको कटिंग राख्दै मुख्यमन्त्री राउतका स्वकीय सचिवले पत्रकारलाई भिजलान्ते भन्दै समाजिक संजालमा गाली गरेका हुन ।
यसअघि प्रदेश स्थित नेपाल पत्रकार महासंघ र मधेशी पत्रकार समाज नेपाल समेतले एक विज्ञप्ति जारी पत्रकारलाई गरिएको गाली गलैज घटनाप्रति भत्र्सना गर्दै दोषी स्वकीय सचिवलाई अभिव्यक्ति फिर्ता लिई आत्मलोचना गर्न मांग गरेका थिए ।
यो विषयमा आफ्नो प्रतिक्रिया दिनुहोस् !