जनकपुरधाम, भदौ १० गते । कोरोना भाइरस महामारी फैलिदै गएको अवस्थामा सामान्य बिरामीलाई सेवा पुरयाउन राज्यपक्ष आफ्नो दात्विबाट पन्छिदै गएपछि निशुल्क स्वास्थ्य शिविर अभियान संचालन गरिएको छ ।
सामान्य प्रकृतिका बिरामीहरुलाई समयमा उपचार प्रदान गर्ने उद्देश्यका साथ जनकपुर वडा नम्बर ७ मा वडा अध्यक्ष जानकीराम साहको नेतृत्वमा आपतकालीन निःशुल्क स्वास्थ्य शिविर अभियान सञ्चालन गर्न लागिएको छ ।
वडाध्यक्ष जानकीराम साहले बालबालिक, महिला र वृद्धवृद्धाको अवस्थालाई ध्यान दिंदै अभियान सुरु गर्न लागिएको जानकारी दिएका छन् । वडाबासीलाई प्रत्येक शुक्रवार, शनिवार र आइतवारका दिन बिहान ८ बजेदेखि १० बजेसम्म सेवा प्रदान गरिने बताए ।
सो शिविरमा चिकित्सकहरु डा.ज्याउल हक (गाइनो), डा.श्रीराम शर्मा (जेनरल फिजिसियन र मेडीसिन) र डा.जाफर राईन (बाल रोग विशेषज्ञ) को टिमद्धारा निःशुल्क स्वास्थ्य परिक्षण गर्ने भएको छ ।
सो आपातकालीन निःशुल्क स्वास्थ्य शिविर अभियानका लागि जानकीरामको संयोजकतवमा गठित समितिको सदस्यहरुमा पत्रकार किरण कर्ण, कार्यपालिका सदस्य श्यामा झा, जिरोमाइल प्रहरी चौकीका इन्चार्ज, नागरिक समाजका डा.बिनोद साह, योग गुरु मनोहर प्रसाद साह,मोहम्मद गुलाम रसूल,जीरोमाइल युवा कमिटीका अध्यक्ष, भैरव युवा कमिटीका अध्यक्ष, वडा सदस्य संतोष सरवरीया, वडा सदस्य मो.नाजिर हुसेन र वडा सदस्य रामराजी देवी लगायतकाहरु रहेका छन् ।
यो विषयमा आफ्नो प्रतिक्रिया दिनुहोस् !