जनकपुरधाम, भदौ ९ गते । प्रदेश २ का प्रदेश सभा सदस्य बिदेश्वर यादव ‘विक्की’ले प्रदेश सरकारलाई कोरोना महामारी नियन्त्रण गर्न नसके आन्दोलनमा जाने चेतावनी दिएका छन ।
सोमवार समाजिक सञ्जाल मार्फत एक विज्ञप्ति जारी प्रदेश सभा सदस्य यादवले महामारी फैलिएको १० महिना बितिसक्दा पनि प्रदेश सरकारले आम नागरिकको स्वास्थ्य सुरक्षाका लागि जोखिम नियन्त्रण सम्बन्धी उचित व्यवस्था गर्न नसक्दा लज्जित र आक्रोशित बनाएका भनेको छ ।
कोरोना उपचारको आवश्यक उचित व्यवस्था मिलाउन प्रदेश सरकारलाई आग्रह गर्दै उनले भने यदि त्यसप्रति उदासिनता देखाए आफ्नै सरकार विरुद्ध आन्दोलन गर्न बाध्य हुने भनेका छन ।
प्रदेश सरकार बिना कुनै पलानिङ हचुवाको भरमा गर्दै आएको निर्णयको कारण स्थानीय तहसँग प्रभावकारी समवन्य हुन नसकेको, क्वारेन्टाइन र आइसोलेसनको उचित व्यवस्थापन हुन नसकेको र अस्पतालहरु अव्यस्थित रहेको यादवले उल्लेख गरेको छ ।
यसका साथै राजबिराज अस्पतालमा महिनो देखि राखिएको भेन्टिलेटर जडान हुन नसक्दा उपचार आभावमा दिनहुँ जनतालाई ज्यान गुमाउनु परिरहेको अवस्थाले प्रदेश सरकारको गैर जिम्मेवारपनको परकाष्ठा रहेको समेत भनेका छन ।
उनले स्वास्थ सेबा पाउनु जनता को नैसर्गिक अधिकार हो भने जनता को ज्यानको सुरक्षा दिनु प्रदेश सरकार को जिम्मेवारी र कर्तव्य हो, तर प्रदेश सरकारले संघीय सरकारको सहयोगको आशमा बस्नु मुर्खता बाहेक केही होइन भनी आफ्नो बलबूतामा मधेशी जनताको जिउ ज्यान जोगाउनतर्फ लाग्न आग्रह गरेका छन ।
जनता समाजवादी नेतृत्वको रहेको प्रदेश सरकारकै पार्टीका प्रदेश सभा सदस्य यादवले विकास निर्माण भन्दा बढी जनताको ज्यान जोगाउनलाई प्राथमिकता दिनुपर्ने भन्दै अविलम्ब उचित क्वारेन्टाईन, आइसोलेशन सहित पीसीआर परीक्षणको दायरा बढाउन मांग गरेका छन ।
यो विषयमा आफ्नो प्रतिक्रिया दिनुहोस् !