जनकपुरधाम, भदौ ४ गते । क्लोथ बैंकको जनकपुरधामको पहलमा प्रादेशिक अस्पतालका लागि ३ वटा भेन्टिलेटर उपलब्ध गराइएको छ ।
काठमाडौ स्थित नेपाल भेन्टिलेटर सर्विस नामक संस्थाबाट कोरोना भाइरस (कोभिड १९) महामारीमा जनताको सेवाका लागि अभियान थालेका क्लोथ बैंकले सा भेन्टिलेटर बुझेका छन ।
प्रदेशमा भेन्टिलेटरको आभावमा बिरामीहरुको मृत्यु हुन थालेपछि होमआइशोलेनका अभियान थालेका क्लोथ बैंकले आफ्नो पहलमा प्रादेशिक अस्पतालका लागि भेन्टीलेटर व्यवस्था गरेका हुन । हुनत बैंकले ६ वटा भेन्टिलेटर मांग गरेको थियो । तर तत्कालका लागि ३ वटा मात्र उपलब्ध गराइएको छ ।
भेन्टिरलेटर ल्याउन काठमाडौ पुगेका टोली सदस्य तथा बैंकका अध्यक्ष राजिव झाले तत्काल तिनवटा भेन्टिरलेटर उपाय गरेर बुझेको तथा अन्यका लागि पनि पहल भइरहेको बताए । उनले भने प्रादेशिक अस्पतालमा दिनहुँ भेन्टिलेटर आभावमा मृत्यु भइरहेको घटनालाई निर्मूल पार्न क्लोथ बैंकले सेवा भावका लागि पहल थालेको हो ।
उनका अनुसार अस्पतालमा भेन्टिलेटरको स्थायी व्यवस्था नभएसम्मका लागि भेन्टिलेटर सर्विसबाट तत्कालका तीन महिनाका लागि भाडामा लिइएको हो । उक्त भाडा जिल्ला विपत व्यवस्थापन समितिले एक हजारको दरले तिर्नेछ ।
भेन्टिलेटर कोरोना भाइरस कोभिडका विरामीहरुका लागि प्रयोग गर्नुपर्ने हुन्छ । त्यसको सदुपयोग हुन सके धेरै विरामीको ज्यान जोगिने होम आइसोलेशन समितिका सदस्य राजु चौधरीले बताए ।
बैंकका अध्यक्ष झा, अभियानको अक्सिजन व्यवस्थापन समितिका सदस्य राजु चौधरी तथा बैंकका शुभेच्छुक शिवशंकर साह हिराले संयुक्त रुपमा भेन्टिरलेटर बुझेका छन् ।
गरिव बिपन्नका लागि केही वर्षदेखि लुगाको जोहो गर्दै आएको क्लोथ बैंकले कोरोना महामारीमा संक्रमित लागि चलाएको होम आइसोलेशन अभियान सफल हुंदै गएको अवस्थामा अस्पतालको लागि भेन्टिलेटरको समेत व्यवस्थापन गर्नु प्रदेशवासीका लागि ठूलो राहत र बैंकका लािग सफलता हो ।
होम आइशोलेसनका बसेका संक्रमितहरुका लागि ५१ सदस्सीय चिकित्सक टोलीवाट चिकित्सकीय परामर्श धनुषा, महोत्तरी र सप्तरी लगायतका जिल्लामा दिदैं आइरहेको छ । यसका साथै होम आइसोलेशनमा बसेका संक्रमितहरुलाई निशुल्क आक्सिजनको व्यवस्था समेत गर्दै आइरहेको छ ।
यो विषयमा आफ्नो प्रतिक्रिया दिनुहोस् !