जकपुधरधाम, साउन ३२ गते । बढदै गएको कोरोना संक्रमणको दृष्टिगत गर्दै धनुषा र सर्लाहीमा एक/एक साताका लागि लकडाउन थप गरिएको छ ।
कोरोना जेखिमलाई मध्यनजर गर्दै जिल्ला प्रशासन कार्यालय धनुषाले स्थानीय प्रशासन ऐन २०२८ को दफा ६ (३) बमोजिम जिल्ला भरि लकडाउन एक साता थप गर्ने निर्णय गरेको हो ।
का लागि गर्ने निर्णय गरेको जिल्ला प्रशासन कार्यालय धनुषाले जनाएको छ ।
साउन ३२ गते आइतबार राति १२ बजेदेखि साउन ७ गते राति १२ बजेसम्मका लागि व्यवसाय संचालनमा केही खुकुलो गर्दौ जिल्लाभरि लकडाउन गरिएको प्रमुख जिल्ला अधिकारी प्रेमप्रसाद भट्टराईले जानकारी दिएका छन ।
उनका अनुसार बिहान १० बजेसम्म भने पसल व्यवसाय संचालन गर्न पाइने छ भने भीडभाड हुने खालका हाट बजार सामाजिक दूरी कायम गरी संचालन गर्न पाउने र त्यसको अनुगमन स्थानीय तहले गर्नेछ ।
जिल्ला प्रशासन कार्यालयले जारी गरेको सूचना अनुसार विक्रेताले अनिवार्य रुपमा सामाजिक दूरी सहित मास्क, पंजा र सेनिटाइजर प्रयोग गर्नुपर्ने र ग्राहकले अनिवार्य रुपमा मास्क लगाएर पसलमा जानुपर्ने भनिएको छ । उपभोक्ता वा ग्राहकलाई मास्क नभएको खण्डमा व्यवसायीले उपलब्ध गराउनु पर्ने नियम जारी गरेको हो ।
जिल्ला प्रशासन कार्यालय धनुषाले जनकपुरमा कोरोना जोखिम बढेपछि गएको साउन १९ गते रातिदेखि निषेधाज्ञा जारी गरेको थियो । यो तेश्रो पटक थप गरिएको लकडाउन हो ।
त्यस्तै सर्लाही जिल्लामा समेत ७ दिन निषेधाज्ञा थप गरिएको हो । जिल्ला प्रशासन कार्यालय सर्लाहीले सदरमुकाम मलंगवामा पुगिसकेको कोरोना संक्रमण थप फैलिन नदिन निषेधाज्ञा थपिएको हो ।
समुदायमा कोरोना संक्रमणको आशंकासहित २६ गतेदेखि सात दिनका लागि निषेधाज्ञा जारी गरिएको थियो । उक्त निर्णय अनुसारको निषेधाज्ञा आइतबार रातिबाट सकिँदै गर्दा कोरोना संक्रमितको संख्या बढिरहेकोले निषेधाज्ञा लम्ब्याएको सर्लाहीका प्रमुख जिल्ला अधिकारी सुरेन्द्र पौडेलले जानकारी दिए ।
भदौ १ गतेबाट लागू हुने निषेधाज्ञामा सोमबार, बुधबार र शुक्रबार साँझ ४ देखि ७ बजेसम्म स्वास्थ्य सुरक्षा सतर्कता अपनाउँदै अत्यावश्यक खाद्यान्न सामग्रीका पसल सञ्चालन अनुमति दिइएको सीडीओ पौडेलले बताए ।
यो विषयमा आफ्नो प्रतिक्रिया दिनुहोस् !