जनकपुरधाम, साउन ३२ गते । कोरोना संक्रमण महामारी रोकथाम तथा नियन्त्रणको नाममा सिरहाको औरही गाउँपालिकाले व्यापक अनियमिता गरेको समाचार सम्प्रेषण भएपछि अख्तियार दुरुपयोग अनुसन्धान आयोगको टोली छापामारी गरेको छ ।
कोरोना रोकथाम नियन्त्रणको नाममा औरही गाउँपालिकाका जनप्रतिनिधिले समेत भत्ता लिई व्यापक अनियमितता गरेको भन्ने समाचार सबभन्दा पहिला लोकपुकारले प्रकाशन गरेको थियो । सो समाचार लोकपुकार सहित अन्य संचार माध्यममा समेत प्रकाशनमा आएपछि अख्तियारको बर्दिबास टोलीले छापामारी गरेको हो ।
अख्तियारको टोलीले औरही गाउँपालिकामा छापामारी गरेको भन्ने कुरा अख्तियारका एक पदाधिकारीले लोकपुकार सँग कुरा गर्दै पुष्टि गरेका छन । उनले भने औरहीमा कोरोना खर्चमा अनियमिता भएको समाचार आएपछि वास्तविक बुझ्न टोली त्यहाँ पुगेको हो । श्रोतको अनुसार अख्तियार टोलीले सम्बन्धित फाइल अनुन्धानका नियन्त्रणमा लिएको छ ।
उक्त गाउँपालिकाले जिल्ला प्रशासन कार्यालयलाई बुझाएको कोरोना भाइरस नियन्त्रण खर्च अनुसार २ करोड २० लाख ८० हजार ९ सय २९ रुपैया गरेको छ । सो खर्च हिसाबमा सामाग्री संख्या नदेखाई एकमुष्टै रकम देखाएको छ ।
गाउँपालिकाका जनप्रतिनिधि समेतले कार्यपालिकाको निर्णय अनुसार कोरोनामा काम गरे वापत ११ लाख ९६ हजार ६ सय रुपैया भत्ता लिएको छ । उक्त रकम पालिका अध्यक्ष सिद्धार्थ यादवको खातामा जम्मा भएकोले जनप्रतिनिधिले पाएको छैन । उपप्रमुख सीता कुमारी समेत जनप्रतिनिधि भत्ता बारे थाहा छैन ।
निमित प्रमुख प्रशासकीय अधिकृत लक्ष्मण साहसँग जिज्ञासा राख्दा उनले भने पदाधिकारीको भत्ता रकम कर्मचारी होइन जनप्रतिनिधिका लागि खर्च गरिएको हो । सो रकम एकमुष्टै चेकमार्फत प्रमख सिद्धार्थ यादवको खातामा जम्मा गरिएको बताएका थिए ।
यति मात्र होइन पालिकाले कोरोना भाइरस रोकथाम खर्चमा एक मुष्टै २८ लाख २४ हजार ३ सय ८७ खर्च देखाएको छ तर के कुन सामाग्री खरीद गरिएको उल्लेख नगरी अनियमिता लुकाउन खोजिएको आरोप स्थानीयको रहेको छ । खर्च हिसाब अनुसार मुश्किलले साढे ५ हजार घर परिवारका लागि ५३ लाख ६९ हजार १ सय ९५ रुपैया खर्च गरिएको छ ।
बजार मूल्यको हिसाबले सो रकममा १५ हजारभन्दा बढी झूल किन्न सकिन्छ । तर पालिकाले कति झुलको किनेको भन्ने कुरा लुकाई रकम अनियमता गरिएको आरोप लगाइएको छ । के कति किनिएको हो भन्ने बारे पालिका अधिकृत र उपप्रमुखलाई पनि थाहा छैन । लोकपुकार सँग कुरा गर्दै उनीहरुले भने कार्यपालिकाबाट निर्णय गरी सामाग्री किनिएको हो संख्या त प्रमुख र स्टोरलाई नै थाहा होला ।
स्टोर रामपृत यादवसँग सोधपुछ गर्दा उनले भने साढे ६ हजारको दरले सामान्य र सुपानेट गरी १३ हजार किनिएको हो, किन त्यति किनिएको हो भन्ने कुरा सम्बन्धि प्रमुखलाई नै सोध्नुस बताएका थिए ।
यो विषयमा आफ्नो प्रतिक्रिया दिनुहोस् !