वीरगञ्ज, साउन २२ गते । वीरगञ्जमा थप ४३ जनामा कोराना संक्रमण देखिएको छ ।
नारायणी अस्पतालको प्रयोगशालामा गरिएको परीक्षणको गएराति आएको रिपोर्टमा वीरगञ्जमा ४३ जनामा कोरोना पोजेटिभ आएको हो ।
पोजेटिभ आएका मध्ये विरगञ्जकै ४०, रौतहट, बारा र महोत्तरीका एक/एक जना रहेको नारायणी अस्पतालका मेसु मदन कुमार उपाध्यायले जानकारी दिए । कोरोना देखिनेमा नेपाली सेनाका कर्मचारी बढी छन भने संक्रमितको उमेर २० देखि ४० वर्ष रहेको बताइएको छ ।
यसैबीच पर्सा स्थानीय प्रशासनले नीजी अस्पतालले विरामीको उपचारमा लापरवाही गरे कारवाही गर्ने चेतावनी दिएका छन । बुधबार बसेको जिल्ला संकट व्यवस्थापन केन्द्रको बैठकले विरामीको स्वास्थ्यमा खेलवाड गरे कानुन बमोजिम कारबाही गर्ने निर्णय गरेको हो ।
पछिल्लो पटक कोरोना संकास्पद व्यक्तिहरुको उचित उपचारको आभावमा मृत्यु भएको घटना सार्वजनिक हुन थालेपछि प्रमुख जिल्ला अधिकारी विष्णु कुमार कार्कीको अध्यक्षतामा बसेको बैठकले निजी अस्पतालहरुलाई उपचारका लागि आएका विरामीहरुलाई जाँच गरेर मात्रै पठाउन निर्देशन दिएको छ ।
जिल्ला प्रशासन कार्यालय पर्साका सहायक प्रमुख जिल्ला अधिकारी ललित कुमार बस्नेतले बिहीबार बिहान विज्ञप्ती जारी गर्दै अस्पतालहरुमा छुट्टै आइसोलेसन वार्डको व्यवस्था गर्न निर्देशन समेत दिएका छन् ।
निर्देशनमा लेखिएको छ, ‘यस जिल्लाका विभिन्न निजी अस्पतालहरुमा उपचारका लागि आएका विरामीहरुलाई अस्पतालहरुले चेकजाँच तथा उपचार नै नगरी फिर्ता पठाउने गरेको भनी गुनासो आउने गरेको सम्बन्धमा छलफल गरियो ।
अब उप्रान्त जिल्लाका सबै अस्पतालहरुलाई आफ्नो–आफ्नो अस्पतालहरुमा छुट्टै आइसोलेसन वार्डको व्यवस्था गरी आफूकहाँ आएका विरामीहरुको चेकजाँच तथा उपचारको व्यवस्था मिलाउन लगाउने र कोभिड–१९ भएको देखिएमा मात्र कोभिड अस्पतालमा रिफर गर्न लगाउने ।’
सरकारी अस्पताल नारायणी अस्पताल बाहेक वीरगञ्जमा एक दर्जन भन्दा बढी निजी अस्पताल रहेका छन तर कोरोना संक्रमण बढदै गएपछि अधिकांश अस्पतालहरुमा उपचार चेकजाँच बन्द गरिएको छ ।
यो विषयमा आफ्नो प्रतिक्रिया दिनुहोस् !