वीरगञ्ज, साउन १५ गते । प्रदेश २ स्थित वीरगञ्ज महानगरपालिका प्रमुख विजयकुमार सरावगी पनि कोरोना संक्रमित भएका छन ।
स्वास्थ्य परीक्षणका लागि काठमाडौं पुगेका मेयर सरावगीको त्यहीँ स्वाब संकलन गरेर परीक्षण गरिएकोमा कोरोना संक्रमण पुष्टि भएको हो । आफू संक्रमित भएको कुरा सामाजि सञ्जाल मार्फत जनाएका छन ।
उनले तपाईंहरुको सेवामा अनवरत रुपमा लाग्दालाग्दै म स्वयं कोरोनाको संक्रमणको चपेटामा परेको छु’ उनले भने, ‘काठमाडौंको एक अस्पतालमा उपचार भइरहेको कुरा सामाजिक सञ्जाल फेसबूक मार्फत जनाउको छ ।
कोरोना संक्रमणलाई जितेर पुनः नगरबासीको सेवामा फर्किने समेत उनले विश्वास व्यक्त गरेका छन । वीरगञ्जमा कोरोना समुदाय स्तरमा फैलिएको मानिएको छ । मेयर सरावगी भारतबाट आएकाहरुको क्वारेन्टिन, संक्रमितहरुको आइसोलेसनमा खटिँदै आएका थिए ।
उनले चन्दा संकलन गरेर पीसीआर मेसिन खरिद गर्नुको साथै क्वारेन्टिन, आइसोलेसन र कोभिड अस्पतालमा रहेका संक्रमितसहित अस्पतालमा कार्यरत डाक्टर, स्वास्थ्यकर्मी र सफाइकर्मीको खाना र बस्ने व्यवस्था जनाएको छ ।
फेसबूकमा मेयर सरावगीले वीरगञ्जलाई ग्रिन जोन वनाउने उदेश्यका साथ एकघर एक परिक्षणको अभियान संचालन गर्ने भनिएता पनि त्यसको कार्यान्वयन समयमा हुन नसक्दा वीरगञ्जमा कोरोना संक्रमण समुदाय स्तरमा फैलिसकेको रहेको उल्लेख गरेका छन ।
कोरोना संक्रमणको यो घडीमा आफूलाई संयमित राख्न र नेपाल सरकारले तोकेको मापदण्ड पालना गर्न सम्पूर्ण महानगरवासीलाई मेयर सरावगीले अपिल समेत गरेको छ ।
यो विषयमा आफ्नो प्रतिक्रिया दिनुहोस् !