जनकपुरधाम, साउन १४ गते । समुदाय स्तरमा फैलिंदै भयावह रुप लिइरहेको कोरोना भाइरस संक्रमणको चपेटमा प्रदेश २ मा समाजिक विकास मन्त्रालयका कर्मचारी पनि परेका छन ।
पछिल्लो पटक समाजिक विकास मन्त्रालयले सार्वजनिक गरेको तथ्यांक अनुसार सो मन्त्री नवलकिशोर साहको कार्यालयका कार्यालय सहयोगी र मन्त्रालयका अन्य २ जना सहित ३ जना कर्मचारी संक्रमित भएका हुन ।
समुदायस्तरमा कोरोना संक्रमण फैलिदै गएको दृष्टिगत गर्दै समाजिक विकास मन्त्रालय र स्वास्थ्य निर्देशनालयका २२ जना कर्मचारीको गरिएको स्वाब संकलन गरिएकोमा मन्त्रालयका कर्मचारीहरुमा कोरोना पोजेटिभ देखिएको हो ।
मन्त्रालयकै कर्मचारी संक्रमित भएपछि मन्त्रालयका सम्पूर्ण कर्मचारी र ती कर्मचारीहरुको परिवारलाई कन्टयाक्ट टेसिंगमा राखिएको र होम क्वारेन्टाईनमा बस्न सुझाव दिइएको छ भने मन्त्री साहलाई समेत संदिग्धमा परेको बताइएको छ ।
यसैबीच जनकपुरधाम स्थित वित्तिय संस्था एक निजी बैंकका सहायक मैनेजरमा समेत कोरोना पोजेटिभ देखिएको छ । बैंकका कर्मचारीमा नै संक्रमण देखिएपछि सो बैंक सिल गर्ने तयारी भइरहेको बुझिएको छ ।
त्यसैगरी पछिल्लो पटक पर्सा जिल्लामा सर्वसाधारण, सेना र प्रहरी सहित ३४ जनामा कोरोना पोजेटिभ देखिएको छ । नारायणी अस्पतालको पीसीआर प्रयोगशालामा २ सय ७४ जनाको स्वाब परीक्षण गर्दा ३४ जनामा कोरोना संक्रमण पुष्टि भएको हो ।
नारायणी अस्पतालका प्रमुख मेडिकल सुपरिटेन्डेन्ट डा. मदन उपाध्यायका अनुसार २ देखि ६५ वर्ष उमेरका ३४ जनामा कोरोना संक्रमण देखिएको छ, जसमध्ये ५ जना बालबालिका र १० जना महिला रहेको छ ।
संक्रमितमध्ये २० जना वीरगञ्ज सर्वसाधारण हुन । उनीअरु वीरगञ्जका वडा नं ९, ५, ४, ११ श्रीपुर, आदर्शनगर, बेल्वा, भिस्वा, सिर्सियाका बासिन्दा रहेकोछ । संक्रमित मध्ये नेपाली सेनाका १ जना, नेपाल प्रहरीका ३ जना, कैदीबन्दी ६ जना, कारागारका कर्मचारी २ जना, स्वास्थ्यकर्मी १ जना र आफैंले पैसा तिरेर पीसीआर परीक्षण गराएका १ जना व्यक्ति रहेको छ ।
यो विषयमा आफ्नो प्रतिक्रिया दिनुहोस् !