जनकपुरधाम, असार २८ गते । पछिल्लो २४ घण्टामा प्रदेश नम्बर २ मा २० जनामा कोरोना संक्रमण पुष्टि भएको छ ।
सामाजिक विकास मन्त्रालयका अनुसार धनुषामा १९ जना र सर्लाहीमा १ जना व्यक्ति संक्रमित भएका हुन । योसँगै यस प्रदेशमा संक्रमितको संख्या ३ हजार ८ सय ५ पुगेको छ ।
धनुषामा संक्रमण पुष्टी भएकाहरु बटेश्वर गाउँपालिकास्थित क्वारेन्टाईनमा रहेका २७ र ३० बर्षका २ जना पुरुष, मिथिला नगरपालिकास्थित क्वारेन्टाईनका ३२ बर्षिया एक महिला र ७ देखि ३८ बर्ष उमेर समुहका ५ जना पुरुष तथा धनौजी गाउँपालिकास्थित क्वारेन्टाईनका १८ देखि ४३ बर्ष उमेर समुहका ११ जना पुरुषहरु रहेका छन् भने सर्लाहीको बसबरिया गाउँपालिकाका एक ३८ बर्षिय पुरुष रहेको छ ।
संक्रमित मध्ये ३ हजार ५ सय ५७ पुरुष र २ सय ४८ जना महिला रहेको प्रदेश स्वास्थ्य निर्देशनालयका वरिष्ठ जनस्वास्थ्य प्रशासक विजय झाले जानकारी दिएका छन ।
प्रदेशमा हालसम्म सबैभन्दा बढी रौतहट जिल्लामा १ हजार २ सय १८ जनाको रिपोर्ट पोजेटिभ आएको छ । त्यस्तै महोत्तरीमा ७ सय १५, सर्लाहीमा ६ सय ५५, धनुषामा ४ सय ९६, सप्तरीमा २ सय ४७, सिरहामा २ सय ६, पर्सामा १ सय ६२ र बारामा १ सय १२ जना कोरोना संक्रमित भइसकेका छन ।
आईतबारसम्म प्रदेशको सप्तरीमा ५ हजार २ सय १४, सिरहामा ३ हजार १ सय ७२, धनुषामा ४ हजार ६ सय ७९, महोत्तरीमा ३ हजार ६ सय ३२, सर्लाहीमा ५ हजार ८ सय ७१, रौतहटमा १३ हजार ९ सय ६०, बारामा ३ हजार ७ सय १५ र पर्सामा ७ हजार ४ सय ८० जना गरि कुल ४७ हजार ७ सय २३ जनाको स्वाब परिक्षण गरिएकोमा ३ हजार ८ सय ५ जना संक्रमित भएका छन् भने ४२ हजार २ सय ६२ जनाको रिपोर्ट नेगेटिभ आएको छ ।
त्यस्तै सप्तरीमा १ सय ५६, सिरहामा ५ सय ३९, धनुषामा ७२, महोत्तरीमा १ सय ९७, सर्लाहीमा २ सय, रौतहटमा २ सय ४४, बारामा १ सय ११ र पर्सामा १ सय ३७ जना गरि कुल १ हजार ६ सय ५६ जनाको रिपोर्ट आउन बाँकी रहेको सामाजिक विकास मन्त्रालयले जनाएको छ ।
प्रदेश २ को आठवटै जिल्लाका बिभिन्न ठाउँहरुमा निर्माण गरिएको ३१ हजार ७ सय ९१ बेड क्षमताको ४ सय ५५ वटा क्वारेन्टाइनमा अहिले ३ हजार १९ जनालाई राखिएको छ भने १७ हजार १ सय १७ जनालाई होम क्वारेन्टाइनमा पठाइएको छ ।
झाका अनुसार प्रदेशका आठवटै जिल्लाको बिभिन्न ठाउँहरुमा सञ्चालनमा रहेको १ हजार ९ सय ६८ बेड क्षमताको आईसोलेशनमा सप्तरीमा १ सय ८६, सिरहामा ६२, धनुषामा ४९, महोत्तरीमा ७४, सर्लाहीमा ५३, रौतहटमा २७, बारामा ४ र पर्सामा ६ जना गरि कुल ४ सय ६१ जना बिरामीलाई भर्ना गरिएको छ ।
यो विषयमा आफ्नो प्रतिक्रिया दिनुहोस् !