जनकपुरधाम, असार २४ गते । कोरोना भाइरसको संक्रमण बढदो संक्रमणले गर्दा बन्द पठन पाठनलाई निरन्तरता दिन अनलाईन कक्षा संचालनका लागि नगराईन नगरपालिका स्थित शिक्षकहरुलाई तीन दिने तालिम शुरु भएको छ ।
नगराईन नगरपालिकाको सहयोगमा बुधवारदेखि लोक समाज संस्थाद्वारा अनलाईनको माध्यमले कक्षा संचालन कसरी गर्ने भन्ने विषयमा पेशागत क्षमता विकासको उद्देश्यले भर्चुअल तालिम (अनलाईन पठन पाठन) तालिम शुरु भएको हो ।
सो तालिमको पहिलो चरणमा पालिकाको प्रा.वि. देखि मा.वि. सम्मको १५ वटा विद्यालयका ३० जना शिक्षकको सहभागिता रहेको छ । लकडाउको समयमा अननलाइन कक्षा कसरी संचालन गर्ने, अध्ययनरत विद्यार्थीलाई विषयगत रुपमा कुनै समस्या भए अनलाईनकै माध्यमले कसरी समाधान गर्ने लगायतका प्रशिक्षण तालिममा दिइने आयोजक पक्षले जनाएको छ ।
सो तालिममा सुनिल मल्लिक, परमेन्द्र निधि र शैलेन्द्र मल्लिक लगायतका प्रशिक्षकले तालिम दिने भएको छ । पहिलो दिन विभिन्न वेबसाइट, सामाजिक संजाल र बिभिन्न एप्प बारे जानकारी र कसरी चालउने सम्बन्धमा सहभागी प्रशिक्षार्थीहरुलाई जानकारी गराइएको छ ।
दोश्रो दिन ईमेल र फेसबूक एकाउन्ट खोल्ने तथा चलाउने, कक्षा संचालन गर्ने विभिन्न एप्प र सफ्टवेयर बारे जानकारी तथा चलाउने सम्बन्धमा र तेश्रो दिनको तालिममा विभिन्न सफ्टवेयर र एप्पको माध्यमले कक्षा संचालन कसरी गर्ने प्रयोगात्मक जानकारी दिइने छ ।
स्थानीय राजेश्वर निधि माध्यमिक विद्यालयमा संचालित सो तालिमको तालिमको उद्घाटन नगरपालिकाका मेयर परमेश्वर यादवले गरेका छन । उद्घाटन कार्यक्रममा उपमेयर रंजु साह र शिक्षा संयोजक देवेन्द्र लाभको समेत सहभागिता रहेको थियो ।
तालिमको दोश्रो चरणमा अनलाईनको माध्यमले कसरी पढने, विभिन्न एप्पको माध्यमले शिक्षकहरुसँग शैक्षिक समस्या कसरी समाधान गर्ने बारे विभिन्न १५ वटा विद्यार्थीका ३० जना विद्यार्थीलाई पनि असार २७, २८ र २९ गतेसम्म ३ दिने अनलाईन कक्षा संचालनको तालिम दिइने प्रशिक्षक शैलेंद्र मल्लिकले जानकारी दिए ।
त्यस्तै कार्यक्रम अन्तर्गत सांगितिक प्रतिभा समेत अनलाईनकै माध्यमबाटै छनौट गर्ने भएको छ ।
यो विषयमा आफ्नो प्रतिक्रिया दिनुहोस् !