जनकपुरधाम, असार २३ गते । कोरोना भाइरस संक्रमणबाट जोगिन प्रहरीले मास्क अभियान अन्तर्गत स्थानीयलाई पक्राउ गरी जरिवाना गर्न थालेपछि धनुषा चेम्बर अफ कमर्सले मास्क वितरण कार्य शुरु गरेको छ ।
मास्क प्रयोग नगर्ने लाई कानूनी कारबाही एवं जरिवाना बाट जोगाउन र जनचेतना फैलाउने दृष्टिकोणले धनुषा चेम्बर अफ कमर्सले जनकपुरधामको विभिन्न चौकहरुमा सर्वसाधारणका लागि सुरक्षाकर्मी एवं ट्राफिक प्रहरीलाई मास्क हस्तान्तरण गरेको छ ।
सोमवार १३६ जनालाई मास्क नलगाएको कारण जरिवाना तिर्नु परेको खबर सार्वजनिक भएपछि धनुषा चेम्बर प्रत्येक चौकमा मास्क उपलब्ध गराई सर्वसाधारणलाई कोरोनाबाट बच्न अनिवार्य रुपमा मास्क लगाउनुपर्ने जनचेतना फैलाउन लागेको हो ।
सर्वसाधारणलाई कोरोना संक्रमण र जरिवनाबाट बचाउने उद्देश्यले चेम्बसले मास्क वितरण कार्य शुरु गरेको छ र यो निरन्तर जारी रहने कुरा चेम्बरका वरिष्ठ उपाध्यक्ष सरोज मिश्रले बताएका छन ।
गृह मन्त्रालयले प्रहरी र सबै जिल्ला प्रशासन कार्यालयलाई पत्राचार गरेर मास्क विना हिड्नेलाई समात्न निर्देशन दिएपछि बढदै गएको कोरोना संक्रमणको कहर रोक्न जनकपुरधामका चौकहरुमा मास्क नलगाउनेलाई समातेर जरिवाना गर्ने अभियान थालेको हो ।
जिल्ला संकट व्यवस्थापन समिति धनुषाको बैठकले सोमबारदेखि मास्क बिना हिड्नेलाई कडाइ गरेको छ । धनुषाका प्रमुख जिल्ला अधिकारी कोषहरि निरौलाले जिल्ला संकट व्यवस्थापन समितिको निणर्य अनुसार प्रशासनले मास्क नलाई हिड्नेलाई कडाइ थालिएको बताए ।
त्यस्तै, धनुषाका प्रहरी उपरिक्षक रमेश बास्नेतले कोरोना संक्रमण तिव्ररुपले बढ्दै जाँदा हामीले सर्वसाधारणलाई पटक पटक मास्क लगाएर हिड्न आग्रह गरेपनि त्यसलाई बेवास्ता गरेपछि बाध्य भई सोमवारदेखि मास्क नलगाउनेलाई पक्राउ गरी जरिवाना गर्ने अभियान थालेको बताएका छन ।
यो विषयमा आफ्नो प्रतिक्रिया दिनुहोस् !