जनकपुरधाम, असार २० गते । पछिल्लो पटक प्रादेशिक अस्पतालमा उपचार आभावमा राजु सदाको मृत्यु भएपछि अस्पतालले सतर्कताका लागि उपचाररत एक युवकको अवस्था चिन्ताजनक रहेको कुरा सार्वजनिक गरेको छ ।
महोत्तरीको रामगोपालपुर क्वारेन्टाइनमा रहेका ३० वर्षिय युवक रमेश सदा (परिवर्तित नाम) को शुक्रवार राति श्वाँसप्रस्वासमा समस्या भएपछि थप उपचारका ल्याइएको तर उनको अवस्था चिन्ताजनक रहेको कोभिड आइशोलेसन जनकपुरका संयोजक डा. जामुन प्रसाद सिंहले जनाएको छ ।
उनले एक प्रेस विज्ञप्ति जारी गरी क्वारेन्टाइनमा ज्वरो र खोकीले गर्दा बिरामी परेका ती युवकको स्वास्थ्य अवस्था खराब भएपछि उपचारका कोभिड अस्पतालमा रेफर गरियो, आरडीटी पोजेटिभ रहेपनि पीसीआर रिपोर्ट आउन बांकी रहेको जनाएको छ ।
‘रगतमा अक्सिजनमा कम देखिएको, ज्वारो आएको, तिब्र स्वास गति भएको छ,’ अस्पतालद्धारा जारी प्रेस विज्ञप्तीमा उल्लेख छ । कोरोना संक्रमणसँग मिल्दोजुल्दो अन्य लक्षण्हरु समेत देखिएकाले सोही आधारमा उनको उपचार भइरहेको विज्ञप्तीमा भनिएको छ ।
हाल उनको प्रारम्भिक डाइगोनिस सहित सघन उपचार कक्षमा भर्ना गरी उपचार गरिदै छ । अस्पतालमा रहेको सम्पुर्ण स्रोतसाधानको परिचालन गरी सदा थरका उनको उपचार भैरहेको डा. सिंहले बताए ।
पछिल्लो पटक धनुषाका हंसपुर नगरपालिकाका राजु सदाको कोभिड अस्पतालमा अवस्था खराब भइ प्रादेशिक अस्पताल जनकपुरको इमेरजेन्सी कक्षमा मृत्यु भएपछि परिवारजनले अस्पताल तथा चिकित्सकको लापरबाहीले उनको मृत्यु भएको आरोप लगाउंदै आएको छ । घटना पश्चात दोषीमाथि कारवाहीको मांग गर्दै दलित समुदाय हालसम्म आन्दोलित रहेका छन ।
सो घटनाबाट सिको गर्दै कोभिड अस्पतालले सतर्ककताका लागि विज्ञप्ती जारी गरी ‘हाइ रिस्क केस’ को स्थितीको बारेमा जानकारी दिन सुरु गरेको हो ।
यो विषयमा आफ्नो प्रतिक्रिया दिनुहोस् !