जनकपुरधाम, असार २ गते । उमेशचन्द्र झा स्मृति पत्रकारिता पुरस्कारबाट जनकपुरधामका दुई पत्रकार पुरस्कृत भएका छन ।
मानव विकास केन्द्रले दोश्रो वार्षिकोत्सवको अवसरमा पत्रकारद्वय टाईम्स टेलिभिजनमा कार्यरत विरेन्द्र रमण र टुडेपाटीमा कार्यरत शैलेन्द्र क्रान्तिलाई पुरस्कृत गरेका हुन ।
कार्यक्रमका प्रमुख अतिथि प्रदेश २ का आन्तरिक मामिला तथा कानून मन्त्री ज्ञानेन्द्र यादवले पुरस्कृतलाई दोसला ओढाई सम्मानपत्र सहित जनही २५ हजार ५ सय एक रुपैयाको चेक प्रदान गरेका थिए ।
केन्द्रका अध्यक्ष एवं संचालक कुन्दन झाले आफ्ना बाजे स्व. उमेशचन्द्र झाको नाममा सो पुरस्कार प्रदान गरेका हुन । केन्द्रले प्रदान गरेको यो पहिलो पत्रकारिता पुरस्कार हो । यसलाई वर्षेणी मानव विकास केन्द्रको वार्षिकोत्सवको अवसरमा निरन्तरता दिदै जाने अध्यक्ष कुन्दन झाले बताए ।
सो कार्यक्रममा प्रमुख अतिथि मन्त्री यादव, विशिष्ट अतिथि शहीदनगर नगरपालिकाका मेयर उदय बरबरिया सहित पत्रकारिता, व्यवसायिक, समाज सेवा लगायतका संघ संस्थामा आबद्ध एक दर्जनभन्दा बढी व्यक्तिलाई दोसल्ला ओढाई सम्मान पत्र सहित सम्मान समेत गरेको छ ।
यो विषयमा आफ्नो प्रतिक्रिया दिनुहोस् !