जनकपुरधाम, जेठ ३० गते । धार्मिक स्थल जनकपुरधाममा गुठी अधिनस्थ र निजी मन्दिरको जग्गा कब्जा गर्ने होड नै चलेको छ ।
यसैक्रममा जनकपुरधाम उपमहानगरपालिका २३ बेला कुट्टि भनिने श्री रामजानकी दुल्हादुल्हिन मन्दिरको जग्गा सांगठनिक र व्यक्तिगत रुपमा कब्जा गर्न मारमार भइ रहेको छ ।
वर्षौदेखि सो मन्दिरको जग्गा मन्दिरका महन्थ र तात्कालिन गाविस अध्यक्षले मोटो रकम लिई तमसुक बनाएर कब्जा गराए अहिले गुठी संस्थानद्वारा सांगठनिक रुपमा कब्जा गराउन लागिएको छ ।
सो मन्दिरको अर्बौ रुपैयाँ बराबरको कुल १६ विघा जग्गामध्ये करीब ७ विघाभन्दा बढी जग्गा पहिला नै अतिक्रमण भइसकेको छ । ४ विघा जग्गा बस स्टैण्डका लागि लिजमा दिइएको छ भने बाँकी रहेका जग्गा केही लालपुर्जामा बिक्री वितरण गरिएको छ भने मन्दिर बाहेक बाँकी जग्गा विश्व भारती फाउण्डेशनले अतिक्रमण गरेको थियो ।
अहिले आएर गजेन्द्रनारायण सिंह स्मृति प्रतिष्ठानले क्यान्सर अस्पताल तथा रगतजन्य रोगको उपचार र रिसर्च सेन्टरको नाममा कब्जा गर्न लागेको छ । प्रतिष्ठानले निर्माण कार्य शुरु गर्न खोज्दा स्थानीयवासी त्यसको विरोध गर्दै सरकारी जग्गा कसैले कब्जा गर्न सक्दैन आफू सुकुम्बासीलाई दिनुपर्ने भनी कब्जा गर्न थालेका छन ।
करीब एक हप्तादेखि मन्दिरको सो जग्गामा कब्जा गर्न हानाथाप भइरहेको भइरहेको केही स्थानीय र केही बाहिरका व्यक्तिहरुले ती जग्गामा चिनो लगाई घेरबार लगाउन थालेका छन । प्रतिष्ठानले यो जग्गा आफ्नो रहेको भनी बल प्रयोग र प्रहरीको मद्दत लिई त्यो चिनो हटाएपछि स्थानीयवासी विरोधमा उत्रेका छन ।
सो जग्गामा राति र बिहान सुकुम्बासी भनिने स्थानीवासी चिनो लगाउंछन र दिउंसोतिर आएर प्रहरी तिनीहरुलाई लखेटी चिनो हटाउंछ यो खेल करीब एक हप्तादेखि भइरहेको छ ।
बेला कुटीको यस जग्गालाई लिएर विभिन्न समयमा अख्तियार दुरुपयोग अनुसन्धान विभागमा विभिन्न व्यक्तिले निवेदन समेत दिएको छ । तर अख्तियारले हालसम्म कुनै कारवाही प्रक्रिया अघि बढाएको छैन ।
अतिक्रमणको नालीबेली
सो मन्दिरको जग्गा २०४९ देखि अतिक्रमण हुँदै आएको छ । हालसम्म करीब ७ विग्घा जग्गामा १३७ घरको अवैध बसोबास छ । कसैसँग लालपुर्जा छैन तर जग्गा भोगचलनका लागि दिइएको भनी तमसुक कागज रहेको छ । जुन कागज आफैँमा अवैध छन् केहीसँग तात्कालिन गाविस अध्यक्ष धनेश्वर पाण्डे र केहीसँग तात्कालिन महन्थ विसखोपरा बाबाले गरेको सहिछाप गरिएको छ । गुठीको जग्गा दुवैमध्ये कसैलाई पनि भोगचलन र लिजमा लगाउने अधिकार छैन ।
एक वर्षअघि भारतीय संस्था विश्व भारती फाउण्डेशनले १ विग्हा ११ कट्ठा १० धुर जग्गा अस्पताल, विद्यालय, बाल आश्रम र वृद्धा आश्रम निर्माण गर्न गुठी सँग लिजमा लिएको भनी कब्जा गर्न खोज्दा स्थानीयवासीले निर्माण गर्न लागेको सामाग्री तोडफोड गरी हटाएका थिए ।
फाउण्डेशनले विद्यालय र वृद्धा आश्रम खोल्ने नाममा केही जग्गामा सामान्य घर निर्माण गरेको तर त्यसमा न त कुनै विद्यालय छ न वृद्धाश्रम नै सो घरमा अनिल दास र नवल साह भन्ने व्यक्ति भोगचलन गर्दै आएको छन । फाउण्डेशन समेतले लिजमा लिएको भनिएको जग्गा केही व्यक्तिलाई पैसा लिएर कागज बनाई बसोबास गराउंदै आएका छन ।
यसैबीचमा गजेन्द्रनारायण सिंह स्मृति प्रतिष्ठान समेतले यो जग्गा आफू लिजमा लिएको भनी निर्माण कार्य शुरु गर्न लागेका छन । प्रतिष्ठानले गुठीसँग ५ विग्घा १० कट्ठा जग्गा क्यान्सर अस्पताल निर्माणका लागि लिजमा लिएको दाबी गर्दै आएका छन । जसको विरोध स्थानीयवासीले भूमाफिया रोशन सिंह राणा भन्ने ठेकेदारले कब्जा गर्न लागेको भनी गरिरहेको छ ।
स्थानीयवासीले यदि अस्पताल निर्माण भइरहेको छ भने त्यसको न कुनै बोर्ड झुण्डयाइएको छ, न नक्सा छ, न सम्बन्धित वडाअध्यक्षलाई जानकारी छ ।
के भन्छन स्थानीयवासी
स्थानीय वैद्यनाथ चौधरीले भने मन्दिरको जग्गा बचाउन सबैको दायित्व हो, आफू शुरुमा विश्व भारती फाउण्डेशनले कब्जा गर्न खोज्दा विरोध गरेको थिए । अहिले गजेन्द्रनारायण सिंह प्रतिष्ठानको नाममा भूमाफिया रोशन सिंह राणा कब्जा गर्न खोजिएपछि आफू विरोध गर्दा प्रहरीले मोटो रकमको चलखेलमा आफूलाई मोस्टवाण्टेडको सूचीमा राखेका छन ।
प्रतिष्ठानका जनकपुर प्रतिनिधि भनिने ठेकेदार रोशन सिंह राणाले आफूलाई पछाडि हटन पटक पटक दबाव दिदैं आएको छ नमानेपछि ज्यान मार्ने धम्की समेत दिएको चौधरीले लोकपुकार सँग कुरा गर्दै आरोप लगाए । उनले आफ्नो ज्यान जोगाई दिन सम्बन्धि सरोकारवाला निकायसँग मांग गरेका छन ।
सुकुम्बासी हो भनी जग्गा कब्जा गर्न खोजेका स्थानीयवासी दाबी गर्नेहरु सरकारी जग्गा नै छ सबैले कब्जा गरिरहेको छ, भने सुकुम्बासीलाई पनि दिनु परयो, आफूहरु कब्जा गर्न खोज्दा प्रहरी लगाएर भूमाफियाहरुले कुटपिट गराउने गरेको आरोप लगाए ।
यता रोशनले आफू कसैलाई धाकधम्की दिएको छैन, बरु वैद्यनाथ चौधरी भन्ने व्यक्ति केही व्यक्तिसँग पैसा लिई प्रतिष्ठानको नाममा रहेको जग्गा अतिक्रमण गराउन लागेको आरोप लगाएका छन ।
उनले भने क्यान्सर अस्पताल निर्माणका लागि गुठी संग वैद्यानिक रुपमा ३८ वर्षको लिजमा प्रतिष्ठानले जग्गा लिजमा लिएको हो । त्यसलाई बन्न नदिन केही भू माफियाहरु स्थानीयलाई उचालेर विरोध गर्दै आएका छन ।
रोशन सिंह राणा भनिने व्यक्ति निर्माण व्यवसायी ठेकेदार हुन । उनी जग्गाको कारोबार समेत गर्दै आएको हुनाले स्थानीयले उनलाई जग्गा कारोबारी भूमाफिया भन्दै आएका छन । तात्कालिन राजपा नेपालका नेता रहेका रोशन आफूलाई गजेन्द्रनारायण सिंह प्रतिष्ठानको जनकपुर प्रतिनिधि रहेको दाबी गर्दै आएका छन ।
गुठीको द्ववैध चरित्र
मन्दिरको ३०९ र ५६८ कि.नं. जग्गा मध्ये ५६८ कि.नं.बाट गुठी संस्थानले केही वर्षअघि विश्व भारतीय फाउण्डेशनलाई १ विग्हा ११ कट्ठा १० धुर दिएका छन भने सोही कि.नं. बाट करीब ४ विग्घा प्रतिष्ठानलाई समेत लिजमा दिएका छन ।
प्रतिष्ठानले मांग गरेका मध्ये कि.नं. ३०९ बाट १ विग्घा ११ कट्ठा १० धुर र बांकी कि.नं. ५६८ को दक्षितर्फबाट पुग्ने गरी ५ विग्घा १० कट्ठा जग्गा लिजमा दिएका हुन । गुठीले एउटै किताको जग्गा दुई÷दुई वटा संस्थानलाई लिजमा दिनु भनेको द्ववैध चरित्रको भूमिका देखाएका छन ।
प्रतिष्ठानको निर्माण कार्य अवैध
प्रतिष्ठानलाई ३ वर्षमा निर्माण कार्य सम्पन्न गर्ने ३५ वर्ष भोगचलन सहित ३८ वर्षका लागि २०७४ जेठ १४ गतेदेखि जारी हुने गरी गुठीले लिजमा दिएको थियो । तर निर्माण कार्य अवधि समाप्त भइसकेपछि निर्माण कार्य शुरु गरेको छ ।
समयमा निर्माण कार्य सम्पन्न हुन नसकेमा बढीमा एकवर्षका लागि म्याद थप गर्न सकिने भनी सम्झौतामा भनिएको छ तर प्रतिष्ठानले निर्माणको म्याद थप नगराउंदा त्यो सम्झौता आफैमा रद्द मानिने भएकोले निर्माण कार्य अवैध मानिने सम्बन्धित निकायको ठम्याईछ ।
यो विषयमा आफ्नो प्रतिक्रिया दिनुहोस् !