जनकपुरधाम, जेठ २७ गते । जनता समाजवादी पार्टी अधिकारिक रुपमा दर्ता भएको २४ घण्टा नबित्दै पदीय विवादले एकआपसमा मतभेद शुरु भएको छ ।
राष्ट्रिय जनता पार्टी नेपाल र सामाजवादी पार्टी मिलेर बनेको जनता समाजवादी पार्टीमा वरिष्ठताका आधारमा नसमेटिएको र वरियता क्रम अनुसार उचित स्थान नदिइएको भन्दै दुवै दलका नेताहरुबीचको आपसी मतभेद र असन्तुष्टिले फुटको रुप लिन थालेको छ ।
राजपा र सपा दुवै दलका नेता असन्तुष्ट देखिएका छन । तिनीहरुले हतारमा पार्टी दर्ता गराउन नेतृत्व तहले आ आफ्ना आसेपासेलाई मात्र समेटेको आरोप लगाउन थालेका छन । ६ सदस्यीय अध्यक्ष मण्डलमा मात्र २ दुई जनालाई पदीय जिम्मेवारी दिइएको र अन्य ४ अध्यक्षलाई तेश्रो दर्जाको नेताको रुपमा राखेको प्रति समेत असन्तुष्टि देखिएको छ ।
नवगठित पार्टीको केन्द्रिय कमिटिमा पार्टीका केही नेताहरुको व्यक्तिगत स्वार्थका कारण केन्द्रिय समितीका सदस्यहरुमा जातिय र भौगौलिक रुपमा समावेस नगरिएकाले तिव्र असन्तुष्टी चुलिएको हो । मधेश क्षेत्रमा रहेका आदिवासी जनजाती, दलित ,महिला र प्रदेश नम्बर २ का केही नेताहरुलाई समावेश नगरेपछि जिल्ला जिल्लामा गुट तयार हुन लागेको छ ।
जिल्लाका सक्रिय नेता र केही शिर्ष नेताहरु समेतले पुरानै राजपा र सपालाई जिवित राख्न मांग गर्दै पार्टी भित्रै गुट गुटमा कसरत शुरु गरिसकेको पार्टी निकट उच्च स्रोतले बताएका छन ।
जिल्लाका एक नेताले नाम उल्लेख नगर्ने शर्तमा केही सिमित नेताहरुले आफ्नो व्यक्तिगत स्वार्थपुर्ती गर्न मात्र पार्टी एकिकरण गरेकोले यो पार्टी धेरै दिन टिक्न सक्दैन । हुनत वैकल्पिक शक्तिको निर्माण जसपालाई भनिदैछ तर पाटी भित्र नाताबाद र परिवारवाद हावी भएकोले यसको भविष्य नरहेको उनले दाबी गरे ।
पार्टीको पद दुरुपयोग विगतमा राष्ट्रिय सभा चुनावको टिकट विक्री देखि समानुपातिक सिट करोडौ रुपैयामा बेच्नेहरु पार्टीमा हावी भएको कारण यसले पार्टीको हित कहिल्य नहुने जिल्ला नेताहरु बताउछन । उनीहरुले अहिले सम्म केही शिर्ष नेताहरुकोे पार्टी दर्तामा हस्ताक्षर नभएकाले राजपालाई नै जिवित राख्दा राम्रो हुने बताएका छन ।
पार्टीको शिर्ष नेताहरु बिच भएको सहमतिलाई लत्याउदै भौगौलिक, लैङिक, जातिय रुपमा समिति गठन नभएको कारण जिल्लाहरुमा तिव्र असन्तुष्टी बढेपछि जिल्लाका नेताहरुले शिर्ष नेताहरुलाई राजपालाई जिवितै राख्न प्रस्ताव गरेको बुझिएको छ । यस विषयमा केही शिर्ष नेताहरु विच छलफल पनि भईरहेको स्रोतको दाबी छ ।
समाजवादी र राजपाका अन्तुष्ट र समावेश हुन नसकेका नेताहरु विच विकल्प बारे छलफल भईरहेको एक केन्द्रिय नेताले बताएका छन ।
वैशाख १० गते पार्टी दर्ताको निवेदन दिएका राजपा र सपाबीच पदीय बाँडफाँडकै कारण लामो समयपछि दल दर्ताको अन्तिम म्यादमा हतार हतारमा आइतवार निर्वाचन आयोगमा दर्ता गरिएको छ ।
यो विषयमा आफ्नो प्रतिक्रिया दिनुहोस् !