जनकपुरधाम, जेठ २५ गते । मिडिया ब्रिफिङको नाममा लाखौ रकम खर्चेका खर्चदै र स्वास्थ्य सामाग्री खरीदमा व्यापक अनियमितता भन्ने समाचार प्रकाशनमा आएपछि प्रदेश २ को सामाजिक विकास मन्त्रालयमा अख्तियार दुरुपयोग अनुसन्धान आयोगले छापामारी गरेको छ ।
अख्तियारले गत तीन दिनअघि कोरोना सम्बन्धी मिडिया ब्रिफिंग र स्वास्थ्य सामग्री खरिदमा व्यापक भ्रष्टाचार बारे छानबीन गर्न मन्त्रालय र स्वास्थ्य आपूर्ति केन्द्रको केही फाइल लगेको अख्तियारको एक कर्मचारीलाई उदृत गर्दै श्रोतले जनाएको छ ।
विभिन्न संचारमाध्यममा मन्त्रालयमा अख्तियारको छापा भन्ने समाचार प्रकाशनमा आएपछि अख्तियारको बर्दिबास कार्यालयले छापामारी बारे अधिकारिक रुपमा पुष्टि गरेन ।
अख्तियार छापा बारे पुष्टि नगरेपनि परेको उजुरीको आधारमा मन्त्रालयका सम्बन्धित व्यक्तिसँग स्पष्टीकरण पत्राचार मार्फत मांगको गरेको मन्त्रालयका एक कर्मचारीले नाम नबताउने शर्तमा उल्लेख गरे ।
मिडिया ब्रिफिङग र स्वास्थ्य सामाग्री खरीदमा व्यापक अनियमितता भएको भन्दै यसको छानबीन हुनुपर्ने मांग जनस्तरबाट हुँदै आएको छ तर छानबीन गर्नुपर्ने निकाय अहिलेसम्म अधिकारिक के कसो गरेको त्यस सम्बन्धमा केही बताएको छैन ।
श्रोतका अनुसार यस सम्बन्धमा उजुरी समेत परेको भएपनि के कति कारणले अनुसन्धान नगरिएको कुरा रहस्यमय बन्दै गएको छ ।
प्रदेश सरकारले संचालन गरेको मिडिया ब्रिफिङमा सरकारले दैनिक रुपमा करिब २ लाख रुपैयाँ खर्च गर्दै आएको श्रोतको दाबी छ भने मन्त्रालय अन्तर्गत रहेको प्रदेश स्वास्थ्य आपूर्ति व्यवस्थापन केन्द्रद्वारा खरीद गरिएको स्वास्थ्य सुरक्षा समाग्री खरीदमा बजारमूल्य भन्दा बढीमा खरीद गरी २ करोड रुपैयाभन्दा बढीको भ्रष्टाचार गरिएको दाबी गरेको थियो ।
मिडिया ब्रिफिङ सम्बन्धमा जेठ २४ गते प्रदेश २ को मिडिया ब्रिफिङ : दैनिक लाखौ खर्च, तर सूचना गलत प्रवाह र स्वास्थ्य सामाग्री खरीदमा भ्रष्टाचार बारे जेठ १९ गते कोरोना उपचार सामाग्री खरीदमा प्रदेश २ आपूर्ति केन्द्रद्वारा करोडौको भ्रष्टाचार शिर्षक भन्ने लोकपुकारले समेत समाचार प्रकाशन गरेको थियो ।
संकटको बेला कोरोना भाइरस रोकथाम एवं न्यूनीकरणको नाममा समाजिक विकास मन्त्रालय भ्रष्टाचारको केन्द्र बिन्दु बनाएको भन्ने आलोचना समाजिक संजालमा हुंदै आएको छ ।
यो विषयमा आफ्नो प्रतिक्रिया दिनुहोस् !