जनकपुरधाम, जेठ २४ गते । वैश्विक महामारी कोरोना भाइरस बारे प्रदेश २ सरकारले दैनिक लाखौ रुपैया खर्चेर पनि गलत सूचना प्रवाह गर्दै आएको देखिएको छ ।
कोरोना भाइरस महामारी बारे प्रदेशको अवस्था सम्बन्धमा प्रदेशका सामाजिक विकास मन्त्रालयद्वारा नियमित प्रसारित मिडिया ब्रिफिङगमा शनिवार प्रस्तोता सचिव डा. रामप्रसाद घिमिरेले गलत सूचना प्रसारण गरेका हुन । यसअघि पनि कयौं पटक त्रुटिपुर्ण गलत सूचना सचिव घिमिरेले प्रसारण गरिसकेका छन ।
सचिव घिमिरेले धनुषामा ८ जना संक्रमित भनेकोमा ६ जना देवपुरा रुपैठा स्थित क्वारेन्टाईनका रहेको भनेका छन तर दुई जना कहाँको हो भन्ने जानकारी नदिई सूचना लुकाएका छन । उनले महोत्तरीमा ८ र सिरहामा ४ जना शंकास्पद सहित १७ जना आशंकितको आइसोलेशनमा उपचार भइरहेको बताएका छन ।
तर दुवैलाई जोडदा मात्र १२ जना हुन आउंछ, ५ जना कहाँ कुन अस्पतालमा उपचाररत छन खुलाएको छैन वा गलत सूचना प्रवाह गरेका हुन आफैमा प्रश्न बन्न गएको छ ।
यति मात्र होइन सचिव घिमिरले गम्भीर त्रुटि आरडिटी परिक्षण सम्बन्धमा गरेका छन । उनले ब्रिफिङमा अन्त्यमा आरडिटी परिक्षणतर्फ ९ हजार ९ सय ३९ जनाको परिक्षण गरिएकोमा ३६ जनाको पोजेटिभ र एक सय ५९ जनाको निगेटिभ आएको भनेका छन । बांकीको रिपोर्ट बारे केही खुलाएको छैन ।
तर वास्तवमा भन्ने मन्त्रालयद्वारा नै जारी सूचनामा आरडिटी परिक्षण तर्फ ९ हजार ९ सय ३९ जनाको परिक्षण गरिएकोमा ३ सय ३३ जनाको पोजेटिभ र ९ हजार ६ सय ६ जनाको निगेटिभ आएको भनिएको छ । यसले प्रष्ट हुन्छ कि सचिव घिमिरे गलत सूचना प्रसारण गर्दै आएका छन ।
कमीशनको चक्करमा बाहिरका मिडियालाई ग्राहयता
कमीशनको चक्करमा प्रदेशमा ६ वटा टेलिभिजन, करीब ५ दर्जन रेडियो एफ.एम. र दर्जनौ अनलाईन न्यूज पोर्टल हुँदाहुँदै त्यसलाई उपेक्षा गरी मन्त्रालयले प्रवासी मिडिया कम्पनीको ठेक्कामा प्रदेश बाहिरका संचारमाध्यमबाट प्रत्यक्ष प्रसारण गराउंदै आएका छन ।
श्रोतका अनुसार मन्त्रालयले सो मिडिया ब्रिफिङका लागि दैनिक दुई लाखभन्दा बढी रकम उत्पादनदेखि प्रसारणसम्ममा खर्च गर्दै आएका छन ।
तर सो मिडिया ब्रिफिङ प्रदेश नं. १ को इटहरी स्थित नेपाल टेलिभिजन, काठमाडौको रेडियो नेपालका बर्दिबास शाखा रेडियो र काठमाडौकै सिआईएन अनलाईनको फेसबूक पेज समेतमा प्रवासी व्यक्तिको मिडिया कम्पनीको ठेक्कामा प्रसारण गराउंदै आएको हुन ।
प्रदेश सरकारको हाल आफ्नो मिडियो नरहेको अवस्थामा प्रदेश स्थित संचारमाध्यमबाट प्रत्यक्ष प्रसारण नगराई काठमाडौ र प्रदेश नं. १ बाट कमीमशनको चक्करमा गराएर यहाँका संचारमाध्यमलाई उपेक्षा गरेको भनी आलोचना हुँदै आएको छ ।
मन्त्रालयद्वारा हालसम्म करोडौ रुपैया कोरोना भाइरस महामारी रोकथाम एवं नियन्त्रणको सूचना प्रचार प्रसारमा खर्चेका छन । तर श्रोतका अनुसार मन्त्रालयको योजना वितरणदेखि भुक्तानीसम्मको अनौपचारिक रुपमा गराउंै आएका मन्त्री नवल साहका छोरा सुमित साह र सचिव घिमिरेले कमीशनको चक्करमा प्रदेशका संचार माध्यमलाई उपेक्षा गरी ठेक्का पट्टामा प्रदेश बाहिरका मिडिया र फेसबूकको पेज सहितका समाजिक संजालमा प्रसारण र प्रचार प्रसार गराउंदै आएका छन ।
सरकारले सामाजिक संजाललाई वैद्यानिकता नदिएको कारण प्रसारण र प्रचार प्रसारको बील भरपाई ठेक्केदार मिडिया कम्पनीहरुको नाममा बनाई भुक्तानीमा वैद्यानिकता दिलाउंदै आएको श्रोतको दाबी छ ।
यो विषयमा आफ्नो प्रतिक्रिया दिनुहोस् !