एजेन्सी,
नयाँदिल्ली, जेठ २२ गते । भारतमा कोरोना भाइरस संक्रमणको चपेटामा आमनागरिक मात्र होइन रक्षासचिव अजयकुमार परेका छन ।
भारतीय सञ्चारमाध्यमका अनुसार रक्षा सचिव अजयकुमारलाई मंगलबार संक्रमण पुष्टि भएको हो ।
सचिवलाई कोरोना पुष्टि भएछि रक्षामन्त्री राजनाथ सिंह लगायत रक्षा मन्त्रालयका अन्य अधिकारी बुधबार कार्यालय गएको छैन ।
टाइम्स अफ इन्डियाका अनुसार ती सचिवको सम्पर्कमा आएका व्यक्तिको कन्ट्याक्ट ट्रेसिङ सुरु गरिएको छ भने साउथ ब्लकस्थित कार्यालयलाई नीर्मलीकरण गर्ने काम भइरहेको छ ।
स्रोतलाई उधृत गर्दै टाइम्स अफ इन्डियाले लेखेको छ ‘पछिल्ला केही दिनमा रक्षा सचिवसँग झन्डै ३० मानिस सम्पर्कमा आएको पाइएको छ । भारतको रक्षा मन्त्रालय प्रवक्ता भारतभुषण बाबुले भने यस विषयमा प्रतिक्रिया दिन अस्वीकार गरेका छन् ।
रक्षा सचिव अजयकुमार कोरोना संक्रमण हुने उच्च ओहोदाका पहिलो भारतीय कर्मचारी बनेका छन्। उनलाई ज्वरो आएको छ र अरू सामान्य लक्षण पनि देखिएका छन् । संक्रमण पुष्टि भएपछि उनी अहिले घरमै क्वारेन्टिनमा बसेको बताइएको छ ।
यो विषयमा आफ्नो प्रतिक्रिया दिनुहोस् !