लकडाउनका कारण भारतबाट स्थलमार्ग हुदै आउने नेपाली नागरिकका लागि विभिन्न २० वटा नाका सरकारले तोकेको छ ।
शुक्रवार कोडिभ–१९ रोकथाम, नियन्त्रण र उपचार उच्चस्तरीय समन्वय समितिको बसेको बैठकले २० वटा नाका तोकेको जानकारी दिएका हुन । हुनत मन्त्रिपरिषदको बैठकले यसअघि नै निर्णय गरिसकेको छन ।
सरकारले खुल्ला गरेको नाकाहरुमा प्रदेश २ का कुनौली (सप्तरी), ठाडी (सिराहा), माडर (सिराहा), भिट्टामोड (महोत्तरी), मंगलवा (सर्लाही), गौर (रौतहट), वीरगञ्ज (पर्सा), महेशपुर (बारा) रहेका छन ।
बिहीवार जटही नाकामा भारतबाट आउने एक जनाको मृत्यु भएपछि सयौंले सुरक्षा घेरा तोडेर प्रवेश गर्न थालेको घटनालाई लिएर सरकारले धनुषा जिल्लाको नाका बन्द गरेको छ । तर स्थानीय प्रशासनले आवश्यक व्यवस्था मिलाएर खुलाउने बताएका छन ।
देशका अन्य नाकाहरुमा प्रदेश नं. १ का पशुपतिनगर (इलाम), काकडभिट्टा (झापा), रानी (मोरङ), प्रदेश नं. ५ का बेलहिया (रुपन्देही), तौलिहवा (कपिलवस्तु), कृष्णनगर (कपिलवस्तु), जमुनाह (बाँके), सुरजपुर (बर्दिया), सुदुरपश्चिम प्रदेशका गौरीफन्टा (कैलाली), गड्डाचौकी (कंचनपुर), झुलाघाट (बैतडी) र दार्चुला प्रवेशका लागि खुल्ला गरिएको प्रधानमन्त्री कार्यालयका सचिव नारायणप्रसाद बिडारीले बताएका छन ।
यो नाकाहरुबाट प्रवेश गराउने निर्णय कार्यान्वयन छिट्टै ल्याइने छ,’ सचिव बिडारीले भने । सरकारले भारत हुँदै तेस्रो देशको नागरिकलाई नेपाल प्रवेश गर्न लकडाउन सुरु हुनुअघि देखि नै रोकिएको थियो ।
तर निकै दबावपछि केही दिनदेखि स्थानीय प्रशासनको जिम्मेवारी सीमानाकामा फंसेका नेपाली नागरिकहरुलाई उद्धार गर्ने कार्य जारी रहेको छ । प्रदेश २ मा वैधानिक तरिकाभन्दा लुकिछिपी भित्रिने क्रम बढी रहेको छ ।
यो विषयमा आफ्नो प्रतिक्रिया दिनुहोस् !