जनकपुरधाम, जेठ १५ गते । लकडाउनका कारण लामो समयदेखि पसलहरु बन्द हुँदा मार्कामा परेका व्यवसायीको पसल संचालन गर्न दिन भनी धनुषा चेम्बर अफ कमर्सले मापदण्ड सहितको खाका स्थानीय प्रशासनलाई बुझाएको छ ।
व्यवसायीहरुको पीरमार्कालाई मध्यनजगर गर्दै धनुषा चेम्बर अफ कमर्सले आवश्यक मापदंड एवं सतर्कता अपनाई सप्ताहमा पालैपालो गरी पसलहरूलाई निश्चित समय तोकि खोल्न दिन मांग सहित तयार पारेको खाका जिल्ला प्रशासन कार्यालयलाई बुझाएको छ ।
उपमहानगर भित्र प्रवेश हुने सम्पूर्ण नाकामा सरोकारबाला द्वारा सेनिटाइजको ब्यवस्था एवं प्राथमिक चेक जाचको ब्यवस्थापन समेत गर्न गराउन आवश्यक सहयोग धनुषा चेम्बर अफ कामर्सले गर्ने तर गाड़ी र सवारी दुबै सेनिटाइज र चेक गरे पश्चात उपमहानगर भित्र प्रवेश गर्न गराउन दिने ब्यवस्थापन गर्न आग्रह समेत गरेको छ ।
गत दुई महीना भन्दा बढ़ी लकडाउन को मार खेपी रहेका सम्पूर्ण नागरिक सँगै व्यवसायीहरु आर्थिक मारदेखी बिभिन अभाव र दबाव सहदै आएको महसूस र गुणासोपछि धनुषा चेम्बर अफ कमर्सले पसल खोल्न दिन सहितको मापदण्ड बुझाइएको वरिष्ठ उपाध्यक्ष सरोज मिश्रले जानकारी दिएका छन ।
सुरक्षा समिति एवं सरोकारबालाहरू आवश्यक छलफल पश्चात कुनै निर्णय गर्ने प्रतिबद्धता खाका बुझ्दै प्रमुख जिल्ला अधिकारी कोषहरि निरौलाले जनाएको मिश्रले बताएका छन ।
यो विषयमा आफ्नो प्रतिक्रिया दिनुहोस् !