जनकपुरधाम, जेठ ३ गते । लकडाउनको कडा सुरक्षाका बीच जनकपुरधाम उपमहानगरपालिका वडा नं.८ रामानन्द चोकमा एक पसलमा चोरी भएको छ ।
स्थानीइ श्याम साहले सञ्चालन गरेको महावीर ज्वेलर्सबाट छतको भेन्टिलेसन फोडेर लाखौंको गरगहना चोरी भएको प्रहरीले जनाएको छ ।
पसलमा रहेको सुन र चाँदीले बनेका सबै गरगहना र नगद समेत चोरी भएको पसलका सञ्चालक साहले बताएका छन । दिउंसोतिर पसल पुग्दा छतको भेन्टिलेसन फोडेको देखेपछि प्रहरीलाई खबर गरेको साहले जानकारी दिए ।
भेन्टिलेसन सानो रहेकोले त्यसमा बच्चा मात्रै प्रवेश गर्नसक्ने भन्दै उनले आफ्नो पसलमा कुनै बच्चाको प्रयोग गरेर चोरी गरिएको आशंका व्यक्त गरेका छन् । घटनाको बिषयमा अनुसन्धान भइरहेको जिल्ला प्रहरी कार्यालय धनुषाले जनाएको छ ।
यसैबीच धनुषा चेम्बर अफ कमर्सले सरकारले जारी गरेको लकडाउनको पालना हामी व्यवसायी गरिरहेको क्रममा व्यवसायको सुरक्षा कसले गर्ने प्रहरीमाथि प्रश्न उठाएका छन ।
चेम्बर्सका वरिष्ठ उपाध्यक्ष सरोज मिश्रले भने लकडाउनका बेला दिनमा प्रहरीले कडा डियूटी गर्छन तर रातिमा सुरक्षा खुकुलो पार्दा चोरी जस्ता घटना घटने गरेको छ ।
हामी व्यवसायी एक त लकडाउनको मार झेलिरहेका छौं अर्कोतर्फ पसलमा चोरी भइरहेको हाम्रो सुरक्षा कसले गर्ने भन्दै स्थानीय प्रशासनसँग व्यवसायिक सुरक्षाको मांग गरेका छन ।
यो विषयमा आफ्नो प्रतिक्रिया दिनुहोस् !