जनकपुरधाम, जेठ ३ गते । कोरोना भाइरस चेक गराउन स्वाब संकलनका लागि अस्पताल पुगेका एक युवकलाई जनकपुरधामस्थित प्रादेशिक अस्पतालले हप्काएर भगाएको आरोप लगाइएको छ ।
शुक्रवार महोत्तरीको बलबा नगरपालिका वडा नम्बर ६ गोईरगम्माका २२ बर्षिय रञ्जित झाले भारत पटनाबाट आएको कारण कोरोना संक्रमित हुन सक्ने पारिवारिक सदस्यको शंका मेटाउन प्रादेशिक अस्पतालका पदाधिकारीहरुले हप्काएर भगाएको बताएका छन ।
उनी गत तिन दिनअघि पटनाबाट कार्यरत कम्पनीले सरकारी प्रक्रिया पुर्याएर घर आए । घर पुग्दा पारिवारिक सदस्यहरुले कोरोना चेक गराउन दबाव लिएपछि शंका मेटाउन स्वाब संकलनका लागि प्रादेशिक अस्पताल पुगेका थिए । उनले त्यहाँ नमूना त के संकलन गर्नु झन आफुलाई बेइज्जत गरेर भगाइ दिएको उनले आरोप लगाए ।
स्वाब टेष्ट अस्पतालमा हुन्छ भनेर बिहानै अस्पताल पुग्दा ड्युटीमा रहेका सुरक्षाकर्मी निरज साहले जुन जिल्लामा तिम्रो घर छ त्यहि जिल्लामा गएर जाँच गराउ भन्दै हप्काएर भगायो । त्यसपछि म अस्पतालका मेसु डा. नागेन्द्र यादव समक्ष पुगेर स्वाब संकलनका लागि आग्रह गर्द उनले घण्टौं प्रतिक्षा गराएर अन्तोगत्वा आफुलाई त्यहाँबाट निराश बनाएर पठाईदिए ।
उनले भने आफुलाई जाँच नगरे पनि क्वारेन्टाईनमा राखिदिन आग्रह गरेपछि पनि मेसुले कुनै सुनवाई गरेन । क्वारेन्टाइनमा ठाउँ खाली नरहेको जवाफ दिंदै आफुलाई त्यहाँबाट हप्काएर पठाइएको रञ्जितले गुनासो पोखे ।
यता यस सम्बन्धमा प्रादेशिक अस्पताल जनकपुरका मेडिकल सुपरिटेन्डेन्ट यादवले सो युवकलाई अस्पतालको कर्मचारीले दुव्र्यवहार नभई सम्झाएर तपाईं आफ्नै जिल्लाको कुनै क्वारेन्टाइनमा गएर त्यहिं स्वाबको नमूना संकलन गराउनुस भनेर सुझाव दिएको प्रतिक्रिया दिएका छन ।
उनले भने स्वाब संकलनको पनि प्रक्रिया छ, त्यसका छुट्टै प्रादेशिक जनस्वास्थ्य प्रयोगशाला नै रहेको छ । अस्पतालमा उपचारका लागि आएका व्यक्तिमा लक्षण देखिएमा वा सम्बन्धित क्वारेन्टाईनबाट संकलन गर्ने गरिन्छ यसमा अस्पतालले के गर्न सक्छ ।
जहाँसम्म क्वारेन्टाईनको कुरा हो त्यो त सम्बन्धित पालिकाले राख्ने हो, अस्पताल भित्र त्यस्तो कुनै क्वारेन्टाईनको व्यवस्था छैन, चेकजाँचको क्रममा लक्षण देखिएमा वा शंका लागेमा सम्बन्धित पालिकाको क्वारेन्टाईनमा जान मात्र भन्छन त्यसको व्यवस्थापन प्रहरी र पालिकाले गर्ने हो ।
यो विषयमा आफ्नो प्रतिक्रिया दिनुहोस् !