वीरगञ्ज, जेठ २ गते । पर्साको वीरगन्ज स्थित नारायणी उप क्षेत्रिय अस्पतालका स्वास्थ्यकर्मीहरुलाई बिहीवारदेखि होटल स्टाफले खाना खुवाउने काम बन्द गरेको छ ।
सो अस्पतालका एक नर्स नै संक्रमित भएपछि होटल संचालकले अस्पतालमा कार्यरत चिकित्सक, स्वास्थ्यकर्मी र अन्य कर्मचारीलाई खाना खुवाउने काम बन्द गरेको छ । सो अस्पतालका चिकित्सक, नर्स र स्वास्थ्यकर्मीहरुको खाना खुवाउने जिम्मा कन्ट्री ईन होटलले लिएका छन ।
नारायणी अस्पताल कोरोना अस्पताल संचालन भएपछि चैत २७ दिनदेखि वीरगन्ज महानगरपालिकाले चिकित्सक सहितको टोलीलाई कन्ट्री ईन होटलमा बस्न र खानाको प्रबन्ध मिलाएको थियो । अस्पतालकै एक नर्समा कोरोना संक्रमणको पुष्टि भएपछि संक्रमणको संत्रासले होटलका कर्मचारीले खाना पकाएर खुवाउन नसक्ने जवाफ दिएपछि बिहानको खाना समयमा पाएन ।
वीरगन्जका मेयर विजय कुमार सरावगीले तत्काल बाहिरबाट खानाको व्यवस्था मिलाएपनि चिकित्सकले त्यो खाना खान मानेन । महानगरपालिकाले बाहिरबाट मगाएर दिएको खाना खान योग्य नभएको भन्दै स्वास्थ्यकर्मीले उक्त खाना नखाइ फर्काइदिएको अस्पतालका चिकित्कस डा. उदयनारायण सिंहले बताए ।
होटलका स्टाफले खाना पकाउँन नमानेपछि अस्पतालका चिकित्सक, नर्स र अन्य स्वास्थ्यकर्मी गरी करिब ३० जनाले बिहीबार दिउँसो सम्म खाना खान पाएका थिएन ।
होटलका संचालक हरी पन्तले भने, जेठ १ गतेबाट हामी खाना खुवाउन नसक्ने सहमती नै भएको थियो । त्यसकै आधारमा आजबाट खाना खुवाउन नसकेको बताए । उनले भने, एक त होटलमा स्टाफको अभाव छ, त्यसमा पनि भएका स्टाफहरु कोरोना संक्रमणको त्रासले खाना खुवाउन नसक्ने जनाएका छन् । स्टाफले खाना पकाउन नमानेपछि बाहिरबाट ल्याएको खाना चिकित्सहरु सहितको टोली खान नमानेपछि अन्त्यमा आफै खाना पकाएर खुवाएको उनले बताए ।
उनले भने,‘आज बेलुको खाना पनि आफैले पकाएर खुवाउने तयारी गरेको छु । तर भोलीबाट हामीले खाना खुवाउन सक्दैनौ, वीरगन्जका मेयर सरावगीलाई समेतलाई जानकारी गराई सकेको छौ । उनले अन्त व्यवस्था मिलाउने कुरा गरेको उनले बताए ।
कोरोना संक्रमितहको उपचारमा संलग्न चिकित्सकसहितको टोलीको मनोबल उच्च राख्नको लागि होटल निशुल्कमा उपलब्ध गराएका थिए । महानगरपालिकालाई होटल हस्तान्तरण गर्ने बेलानै आफूले बस्नलाई मात्र होटल दिने तर खाना खुवाउन नसक्ने सहमती गरेको बताए ।
उनले भने, महानगरप्रमुखको आग्रहमा मात्र १ महिनाको लागि खाना जेहेन तेहेन खाना खुवाउने व्यवस्था मिलाए तर अब म खाना पकाएर खुवाउँन सक्दीन ।
यता वीरगन्ज महानगरका नगरप्रमुख विजय सरावगीले भने होटलले खाना दिन नसक्ने खबर गरेपछि महानगरले अन्तबाट व्यवस्थापन गरेर खाना पठाएपनि स्वास्थ्यकर्मीले फर्काइ दिएको बताए ।
महानगरले भ्याए जति गरेकै हो, उनले भने,‘डाक्टर साबहरूलाई खाना मन परेन, अब उहाँहरूले आफ्नो खानाका लागि आफ्नै हिसाबले व्यवस्थापन गर्नुहुन्छ ।
यो विषयमा आफ्नो प्रतिक्रिया दिनुहोस् !