जनकपुरधाम, वैशाख ३० गते । नेपाल उद्योग वाणिज्य संघ प्रदेश २ का अध्यक्ष शिवशंकर साह (हिरा) बिना व्यापारको व्यवसायीको नेता रहेको आरोप लाग्न थालेको छ ।
जनकपुर उद्योग वाणिज्य संघका अध्यक्ष समेत रहिसकेका हिराको कुनै व्यवसाय हाल संचालनमा नरहेको समाजिक संजालमा मात्र होइन व्यवसायीहरुले समेत आरोप लगाउन थालेका छन ।
केही दिन अघिसम्म जनकपुरको जानकी चौकमा सहेली फैसन नामक लेडिज गार्मेन्ट पसल रहेको थियो । तर हाल सो पनि बन्द भइसकेकोले उनी व्यवसायीको नेता कसरी भयो भन्ने आरोप व्यवसायीहरु मात्रै होइन समाजिक संजाल फेसबूकमा समेत भाइरल भइरहेको छ ।
जनकपुरका केही व्यवसायीले नाम नबताउने शर्तमा भने विगतमा हिराको कुन व्यवसाय थियो थाहा छैन तर हाल कुनैपनि व्यवसाय उनको संचालनमा रहेको छैन । व्यवसाय नै नभएका व्यक्ति वाणिज्य संघको पदाधिकारी हुनु दुखद कुरा हो ।
हुनत अध्यक्ष हिराले आफ्नो तीन वटा फर्म संचालनमा रहेको लोकपुकार सँगै कुरा गर्दै दाबी गरेका छन । उनले भने जनकपुरमा आफ्नो अजय इम्पोरियम, निक्की ट्रेडर्स र सहेली फैसन विधिवत दर्ता भई संचालनमा रहेको छ । ती सबैको आफू कर सरकारलाई तिर्दै आएको छु ।
उनले आफ्नो तीन वटा फर्म संचालनमा रहेको दाबी गरेपनि ती पसलमा कहिलेपनि बसेको देखिनु भएन भन्ने जिज्ञासामा भने सहेली फैसन आफ्नो मामाको छोरा चलाइरहेको तर हिसाब किताब सबै आफूले नै हेर्ने गरेको छु । तर अन्य निक्की ट्रेडर्स र अजय इम्पोरियम बारे खुलाएन ।
यता जउवा संघका अध्यक्ष ललित साहले हिराजीको रेडिमेड पसल जानकी चौकमा रहेको आफूलाई थाहा छ, सदस्यता विवरण हेरेर मात्रै यकिन कुरा भन्न सकिने बताए ।
श्रोतका अनुसार सहेली फैसन लकडाउन अघिदेनि नै बन्द रहेको छ । निक्की ट्रेडर्स उनको दाजुको ग्यास पसल रहेको छ । अजय इम्पोरियम पनि उनकी कुनै नातेदारको रहेको छ । तर अध्यक्ष हिराले यी सबै फर्म आफ्नै नाममा दाबी गर्दै कसैले पनि बिल र फर्म दर्ता प्रमाणपत्र हेर्न दाबी गरेका छन ।
जनकपुरका व्यवसायीहरुका अनुसार जनकपुर उद्योग वाणिज्य संघमा अधिकांश यस्ता सदस्य छन जसको फर्म त दर्ता रहेको तर संचालनमा रहेको छैन, राजनीति गर्ने उद्देश्यले मात्र फर्मलाई जिवित राखेका छन ।
व्यवसायीहरुले प्रदेश अध्यक्ष शिवशंकर साह (हिरा) को मात्रै होइन संघमा आबद्ध सम्पूर्ण सदस्य र पदाधिकारीहरुको उद्योग व्यवसाय संचालनमा छ/छैन छानबीन गरी गैर व्यवसायीको सदस्यता खारेज गर्नुपर्ने मांग गरेका छन ।
यो विषयमा आफ्नो प्रतिक्रिया दिनुहोस् !