जनकपुरधाम, वैशाख २९ गते । सांसद अपहरण प्रकरणमा प्रहरीले जनकपुरधामबाट अनुसन्धान थालेको छ ।
आइतवार जनता समाजवादी पार्टीका नेता एवं सांसद सुरेन्द्र यादव अपहरण काण्डको अनुसन्धानको क्रममा अनुसन्धान टोलीले पहिलो चरणमा जनता समाजवादी पार्टीका नेता शेषनारायण यादवसँग बयान लिएको छ ।
नेपाल प्रहरीले घटनाको अनुसन्धान गर्न प्रहरी निरीक्षक देवीप्रसाद पौडेल नेतृत्वको जिम्मेवारी पाएका टोली जनकपुर आएका हुन । टोलीले नेता यादवलाई जिल्ला प्रहरी कार्यालय, धनुषा बोलाएर उनीसँग बयान लिएको हो ।
पूर्वस्वास्थ्य तथा जनसंख्या राज्यमन्त्री डा. सुरेन्द्रकुमार यादवको गत वैशाख १० गते नेपाल प्रहरीका पूर्वआईजीपी सर्वेन्द्र खनाल र नेकपाका सांसदद्वय महेश बस्नेत तथा किसान श्रेष्ठले अपहरण गरेको भन्दै सरकारी वकीलको कार्यालय काठमाडौंमा उजुरी परेपछि प्रहरीले अनुसन्धान सुरु गरिएको हो ।
संचारकर्मीसँग कुरा गर्दै भने धनुषाका एसपीले फोन गरेर जिप्रका बोलाउनुभयो,’ र त्यहाँ पुग्दा काठमाडौंबाट आएको टोलीले २ घण्टा आफूसँग सोधपुछ गरेका छन् ।
यादवले आफू सत्यतथ्य कुरा टोलीलाई बताएको भने । ‘जुन तरिकाले घटना भयो, आफूले त्यही कुरा टोलीलाई जानकारी गराएको उनले बताए ।
सांसद यादवलाई जनकपुरबाट काठमाडौँ लग्ने क्रममा उनले सबैभन्दा पहिले बाटोबाट नेता यादवलाई नै सम्पर्क गरेका थिए । त्यसैले पहिलो बयान उनैसँग लिइएको प्रहरी श्रोतको भनाइ छ ।
प्रहरीको टोलीले सांसद यादवको महोत्तरीको सम्सी गाउँपालिका ४ स्थित गाउँ पुगेर उनका परिवारजन र स्थानीयसँग सोधपुछ समेत गरेको बुझिएको छ ।
यो विषयमा आफ्नो प्रतिक्रिया दिनुहोस् !