काठमाडौ, वैशाख २६ गते । सरकारले नोवेल कोरोना भाइरस ( कोभिड–१९) महामारी रोकथाम तथा नियन्त्रणका लागि स्थापना गरेको कोषमा दुई अर्ब भन्दा बढी रकम जम्मा भएको छ ।
कोषमा शुक्रबार मध्यान्हसम्म २ अर्ब २१ करोड ८५ लाख ५७ हजार रुपैयाँ जम्मा भएको लेखा अधिकृत रविनकुमार राईले जानकारी दिएका छन । नेपाल सरकारले ५० करोड रुपैयाँ जम्मा गरेर कोष सुरु गरेको थियो ।
हालसम्म कोषमा नेपाल आयल निगमले ५० करोड, नेपाल दूरसञ्चार प्राधिकरण १५ करोड, नेपाल दूरसञ्चार कम्पनी १२ करोड, एनसेल प्रालिले १० करोड, कर्मचारी संचय कोष ५ करोड, राष्ट्रिय बिमा समिति ५ करोड, नेपाल स्टक एक्सचेन्ज लिमिटेड ३ करोड ५१ लाख, निक्षेप तथा कर्जा सुरक्षणम् कोष ३ करोड, आईएमटी ग्रुप फाउन्डेस ३ करोड, नेपाल धितोपत्र बोर्ड ३ करोड, नागरिक लगानी कोष २ करोड, हिमानी ट्रस्ट २ करोड रुपैया जम्मा गरेका छ ।
त्यसैगरी प्राइम कमर्सियल बैंक १ करोड ७५ लाख, राष्ट्रिय बिमा कम्पनी १ करोड ६५ लाख, एनएसबी बैंक १ करोड ५१ लाख, राष्ट्रिय बाणिज्य बैंक १ करोड ५० लाख, कृषि विकास बैंक १ करोड २५ लाख, हिमालय बैंक लिमिटेड १ करोड २५ लाख, ग्लोबल आईएमई बैक १ करोड १५ लाख, नेपाल राष्ट्र बैक कर्मचारी १ करोड ५ लाख, नेपाल पुर्नि्बिमा कम्पनी १ करोड १ लाख, प्रभु बैंक लिमीटेड १ करोड १ लाख जम्मा गरेका छन ।
त्यस्तै करोड रुपैया जम्मा गर्नेहरुमा भाटभटेनी सुपर मार्केट, नेपाल बैंक लिमिटेड, राष्ट्रिय बिमा संस्थान, नेपाल इन्भेस्टमेन्ट बैंक, मेघा बैंक लिमिटेड, नेपाल लाइफ इन्सुरेन्स कम्पनी, यती एयरलाईन्स प्रालि, नेपाल चार्टड एकाउन्टेन्ट संस्था, नेपाल नागरिक उड्डयन प्राधिकरण रहेका छन ।
यो विषयमा आफ्नो प्रतिक्रिया दिनुहोस् !