काठमाडौ, वैशाख १६ गते । सञ्चार तथा सूचना प्रविधि मन्त्रालयले पूर्वप्रधानमन्त्री डा. बाबुराम भट्टराईको अन्तर्वार्तालाई लिएर रेडियो नेपालसँग स्पष्टीकरण सोधेका छन ।
मन्त्रालयले जातीय विद्वेष र घृणा उब्जाएको तथा सरकारविरुद्ध सत्ता कब्जा पंगु निरंकुश शासक र भष्मासुर जस्ता लान्छनायुक्त शब्द प्रयोग भएको भन्दै रेडियो नेपालका कार्यकारी निर्देशक सुरेशकुमार कार्कीलाई स्पष्टीकरण सोधेका हुन ।
मन्त्रीस्तरीय निर्णयबाट स्पष्टीकरण सोधिएको हो । र, कार्कीलाई के कसो भएको हो तीन दिनभित्र स्पष्टीकरण पेश गर्न स्पष्टकीकरण पत्रमा भनिएको छ ।
रेडियो नेपालमा सोमबार बिहान साढे ६ बजे प्रसारित ‘अन्तरसम्वाद’ कार्यक्रममा जनता समाजवादी पार्टीका नेता एवं पूर्वप्रधानमन्त्री डा. भट्टराईले कार्यक्रममा प्रधानमन्त्री केपी शर्मा ओलीको आलोचना गर्दै ‘भष्मासुर’ लगायतका शब्द प्रयोग गरेका थिए ।
मन्त्रालयले स्पष्टीकरण सोध्नु अघि नै सोमवार नै घटनाप्रति रेडियो प्रसार विकास समिति (रेडियो नेपाल) ले विज्ञप्ति जारी गरेर माफी मागेको थियो ।
भट्टराईले प्रधानमन्त्री ओलीप्रति लक्षित गरी प्रयोग गरेको भाषा र विचारले दुःखी बनाएको भन्दै रेडियो नेपालले आगामी दिनमा अतिथि चयन गर्दा गम्भीर रुपमा सचेत हुने प्रतिबद्धता जनाएको थियो । हाल रेडियो नेपालले सो अन्तरसम्वाद आफ्नो बेभसाईटबाट हटाइसकेका छन ।
यो विषयमा आफ्नो प्रतिक्रिया दिनुहोस् !